Эрьва регионось наряжасы кузнэнть эсензэ коензэ-кирданзо коряс. Мордовиясь эсензэкенть наряжасы тавлань налшкетнесэ, мореной тумосто теевкстнэсэ, эрзянь-мокшонь някатнесэ, варьгатнесэ, Куйгорожонь фигуркатнесэ ды истя седе тов.
Тунда весе неть кузнэтнень озавтсызь комплексэнь территориянтень покш мероприятиядонть ледстнемга ды весе регионтнэнь вейсэндявомань тешксэнть невтемга. Кода тешкстызь анокстыцятне-ютавтыцятне, чувттнэнь усксызь Московонь областестэ. Чувсызь ды усксызь сынст пек састо.
«Россиянь кузнэтне» проектэсь ютавтови Культурань ушодкстнэнь Президентэнь фондонть, «Дирекция Выставки Достижений «Россия» АНО-нть, Вирень хозяйствань федеральной агентстванть ды «Волонтеры леса» Весероссиянь общественной движениянть лезксэст пингстэ.