«Эрьзянь музеесь, Мордовиянь мореной тумось, «ЯкшамАтя» резиденциясь – туристической рынкасонть содавикс брендтнэ. Вадря коекс кармасть музеень акциятне ды театрань фестивальтне, конат свалшкане ютавтовить республикасонть. Раськень койтнень-кирдатнень марто интжетне теевить содавиксэкс «Зов Торамы» туристэнь маршрутсонть. Эрязасто виегавтано «Санаксарь – Темников» кластерэнть – минек туризмань виевгавтомань прявт точкатнестэ вейкенть, конась сюлмавозь а изнявиця адмиралонть Фёдор Ушаковонь лемензэ марто. Учотано инжень вечкиця эрзянь-мокшонь моданть лангсо!» – тешкстызе Мордовиянь Прявтось Артём Здунов.
Премиянь финалось ютавтови Санкт-Петербургсо даволковонь 19-21-це читнестэ.
Russian Travel Awards Весероссиянь туристической премиясь аравтозь отечественной туризмань ды инжень вастомань индустриянь виевгавтомантень ды шаштомантень, ды явшеви регионтнэнень ютазь иень невтевкстнэнь коряс. Пелькстамонь официальной номинациятнесэ финалисттнэ кочкавить туристической пелькстамотнень ды рейтингтнень невтевкстнэнь коряс, туризмань ды инжень вастомань индустриянь коряс профессиональной вейсэндявкстнэнь пельде рекомендациятнень коряс.