Мордовиясь саизе колмоце тарканть социально-политической паро лув марто регионтнэнь ютксо. Теде пачтяви «Петербургская политика» фондонть те иень июнень ванкшноматнесэ-тонавтнематнесэ. Васенце кавто таркатнень саизь Калугань областесь ды Чукоткань автономной округось.
Коенть коряс, организациянь аналитиктне ёвтызь ютазь ковонь сехте редявикс тевтнень, конатнень вельде явшевсть таркатне. Нама, прявтось ютксост – Футболонь коряс масторлангонь чемпионатонь матчтнень Саранскойсэ пек парсте ютавтомась. Модамасторонь келес кементь тёжат инжетне максть покш питне ютавтомантень, сэтьмечинтень ды инжень вастомантень. Июнень прядовомсто Советской площадьсэ фанзонантень якась «юбилеень» 300 тёжань болельщикесь. Мордовиянь прявтошось кармась васенце ды вейкине ошокс-организаторокс, косо те малавикс эрицятнень ламочинтень.
Теде башка, те спискантень совась Мордовиянь Прявтонть Владимир Волковонь «ЕВРОЦЕМЕНТ груп» холдингень прявттнэнь советэнь председателенть Филарет Гальчев марто вастовомась. Владимир Волков тешкстызе, цементниктнень туртов прявт тевекс кадови нолдавиця продукциянь покшолматнень кастомась ды проектэнь вийсэ предприятиянь свалшкань ды лезэнь кандыця важодемань топавтомась.
Эзь кадовт ванновтомо «Октябрьская» агрофирмасонть мороженоень нолдамонь коряс линиянь панжомась. Владимир Волков тешкстызе, Мордовиянть туртов те пек тешксэв тев – регионсонть, 10 иень ютазь, вельмевтеви те ламбамопеленть эсензэ нолдамось.
Эштё вейке тевесь, конань эряви ёвтамс, – Мордовиянть 15-це таркась Вишка ды средней бизнесэнтень лездамонь тевтнеде кулянь максомань коряс Россиянь экономикань развитиянь министерствань рейтингсэнть.