Мордовиясь совась Россиянь регионтнэнь топ-10 медицинань лезксэнть вадрячинь ды доступностень коряс

Мордовиясь совась Россиянь регионтнэнь топ-10 медицинань лезксэнть вадрячинь ды доступностень коряс

Мордовиясь совась Россиянь регионтнэнь топ-10 медицинань лезксэнть вадрячинь ды доступностень коряс.

ОНФ-нь «Действиянь форумсонть» «Здоровье» независимой мониторингень фондось невтизе медицинань лезксэнь качестванть ды доступностенть коряс регионтнэнь рейтингенть, конась анокстазь 2013-2016 иетнень коряс. Мордовиясь саизе 10 тарканть сеть ёнкстнэнь ютксто, конат невтсть сехте вадря результатт те шканть перть медицинань сферасонть. Равчирень округонь регионтнэнь ютксо седе вадрят невтевксэнзэ ансяк Нижегородской областенть.

Фондонь активисттнэ юронтень саизь 13 невтевкстнэнь: демографиянь кулятне врачсо ды средней медперсоналсо эрицятнень обеспечениядо. Весе неть вешематне кирдевить РФ-нь Президентэнть Владимир Путинэнь маень указтнэсэ, истя жо профилень госпрограмматнесэ.

«Здравоохранениясь – республикань весе эрицятнень туртов сехте талновтыця кевкстематнестэ вейкесь. Меельце иетнестэ минь ютавтынек покш важодема здравоохранениянь материально-технической базанть кемекстамонть, специалисттнэнь анокстамонть, медицинань неень шкань центратнень тееманть коряс. Тень вельде прядынек колмо уровнянь системань тееманть. Те важодемань прявт невтевксэсь – куломанть киртямось ды эрямонть кувалгадомась», – тешкстызе Мордовиянь Прявтось Владимир Волков.

10 иетнень перть Мордовиясо эрямось кувалгавтовсь 4 иес ды кармась 72 иеде ламо, те весероссиянь невтевкстэнть седе покш. Мелят апак тешкста чачтыця авань вейкеяк кулома. Теде башка, удалась саемс Россиясо седеень-санонь орматнеде куломань сехте вадря невтевкстнэде вейкенть.

«Нама, ялатеке улить ламо апак вите стакачить, конатне токшить эрьва сэредицянть. Властень органтнэ путсызь весе виест, республикань медицинась улезэ масторсонть икеле молицятнестэ вейкекс», – мерсь Мордовиянь руководителесь.