Вейсладямонть лувсо арсеви ютавтомс фундаментальной ды прикладной научной ванномат-тонавтнемат, конат аравтозь региононь научно-технологической ды социально-экономической виевгавтомантень, тонавтомань вейсэнь проекттнэнь анокстамонтень ды тонавтомантень. Теде башка, вейсэнь тевдеемась ули аравтозь ероков од ломантнень вешнемань ды кирдемань лувтнень виевгавтомантень, кадратнень целевой анокстамонть одкстомтомантень, властень органтнэнь, бизнесэнть ды промышленностенть марто вейсэ научно-образовательной кластертнэнь теемантень.
Теде башка, Н. П. Огарев лемсэ МГУ-нть ды М. Е. Евсевьевень лемсэ МГПУ-нть марто вейсэ ули анокстазь дорожной карта – тов совавтовить мероприятият научной тевдеемань ды научно-исследовательской юронь виевгавтоманть коряс, истя жо фундаментальной ды прикладной научной ванноматнень-тонавтнематнень коряс.
«Минь тынк республиканть марто кирдтяно сюлмот умок. Те проектэнть смустезэ – регионтнэнь марто вейсэнь тевдеемась: кадратнень анокстамосо, квалификациятнень кепетемасо, школасо тонавтницятнень марто важодемасо. Неень шкане минь топавтынек уш 300 седе ламо покш проектт. Минь пек кемтяно тынк марто лезэв важодеманть лангс», – мерсь Виктор Садовничий.
М.В. Ломоносовонь лемсэ МГУ-нь ректорось тешкстызе, «Вернадский» региононь научно-образовательной консорциумтнень теемань проектэсь, конась вейсэнди масторонь прявт университетэнть, региононь вузтнэнь, научно-исследовательской институттнэнь, социально-ориентированной федеральной ды региононь бизнесэнть, топавтови 2018 иестэнть саезь. Те ушодксонть кирдизе Россиянь Президентэсь ды Россиянь Ректортнэнь вейсэндявксонь XI Инекужонь делегаттнэ.
Мордовиянь Прявтось тешкстызе, сонсь карми ваномо те енкссо важодеманть мельга. «Сехте прявтось, мезе ули минек регионсонть – те промышленной потенциалось. Меельце колмо иетнестэ минь топавтано од проектт биотехнологиянь, фармпромышленностень, оптоволоконной производствань, вагоностроениянь енкстнэсэ, - евтнесь Артём Здунов. – Бажатано тердеме республикав специалистт неть енкстнэнь коряс. Весе сфератнесэ эрявить покш классонь специалистт, секскак покш сюкпря истямо возможностенть кисэ».
Неень шкане 35 регионтнэ совить «Вернадский» научно-образовательной консорциумтнень проектэнтень. Ней сынст юткс вейсэндявсь Мордовияськак.
Мордовия Республикань Прявтонь пресс-службась