Мордовиясо арсеви ушодомс куроксто стявтовиця кудотнень строямонть

Мордовиясо арсеви ушодомс куроксто стявтовиця кудотнень строямонть

Медьковонь 2-це чистэ Мордовиянь Правительствань Председателесь Владимир Сушков ваннызе Кочкурова ёнксонь Булгакова велесэ HotWell компаниянь СИИ панельстэ башка кудотнень строямонть. Неть панельтнень вельде эрямо таркась стявтови 10-12 чинь перть.

«Эколайф» строямонь кампаниясь аноксты панжомс цех, косо WEINMANN немецень технологиянть коряс кармить тееме куроксто стявтовиця каркасонь-панелень кудот. Проектэнь топавтомантень арсить кундамс маласо шкастонть. Луховкасо кавто гектаронь покшолмасо моданть лангсо строяви ниле квартирань 21 танхаус. Вейсэнь покшолмась – 8 тёжадо ламо кавонзазь метрат. Тешкстасынек, эрьва квартиранть карми улеме башка совамозо, парковказо ды оймсемань туртов кудонть перька тарказо.

«Проектэнть вельде виевгавтови башка эрямо таркань строямось, сонзэ топавтомась лезды ладямс республикасонть куроксто стявтовиця эрямо таркань производстванть», - тешкстызе Мордовиянь Праивтельствань Председателесь.

Владимир Сушков истя жо ваннызе Саранскойсэ Строительной куросонть Инсар леенть трокс сэдень строямонть. Тешкстызе, весе тевтнень эряви топавтомс кемекстазь аравтлувонть коряс.