Мордовиясо коронавирусонь инфекциядо кулось медицинань эштё вейке важодиця. Медицинань лезксэнь куроксто явомань фельдшерэсь Анна Ефремова, сон чачсь 1958 иестэ, чадыковсто саезь важодсь бригадасонть, конась лездась коронавируссо сэредицятненень. Апак вано врачтень бажамост лангс, сонзэ эзь удала идемс. Малавикстнэнень седейризкст ёвтась республикань Прявтось Владимир Волков: «Анна Павловна алкуксокс топавтсь профессиональной тевензэ, мартонзо важодицятнень туртов ульнесь ответственностень ды важодемань вечкемань невтемакс. Те аволь шожда шкастонть стака марямс медиктнень куломадост, конатне бороцить те инфекциянть каршо. Ёвтан седейризкст малавикстнэнь ды содавикстнэнь туртов. Те покш ёмавкс республикань медицинань вейсэндявксонть, весень минек туртов».