2018 иень февралень 3-4-це читнестэ «Молодежный» Бизнес-инкубаторонть юрсо ютавтовсь Мордовия Республикань государственной властень исполнительной органонь прявттнэнь туртов тонавтомань кавто чинь программась.
Тосо ульнесть Мордовиянь Правительствань Председателесь, министратнень весе кабинетэсь, истя жо лия ведомстватнень руководительтне ды Виевгавтомань корпорациянь представительтне.
Региононь правительствань прявттнэнь туртов «Управление проектами в органах власти: базовые знания» тонавтомань программанть ютавтызе РАНХиГС Проектэнь менеджментэнь научно-образовательной центрань прявтонь полавтыцясь Наталья Сергеевна Гаркуша.
Проектэнь управлениянь совавтомась Россиянь Правительствасонть ды властень органтнэсэ ушодовсь 2016 иестэнть. Прявт тевекс кармась Россиянь Федерациянь Президентэнть пингстэ стратегической развитиянь ды приоритетной проекттнэнь коряс Советэнь ды Советэнь Президиумонь теемась. Колмо ковтнень перть теезь РФ-нь Правительствань Проектэнь тевдеемань департамент ды Проектэнь менеджментэнь Научно-образовательной центрась, истя жо анокстазь положения проектэнь тевдеемань ды методической рекомендациятнень теемадо.
Тешкстасынек, проектэнь управлениянь топавтомань прявт тевекс аштить:
– сеть результаттнэнь саемась, конат совавтозь исполнительной властень органтнэнь аравтлувонтень;
– результаттнэнь саемань шканть топавтомась ды киртямось;
– ресурстнэнь тевс нолдамонь лезэвчист кастомась;
– исполнительной властень органтнэнь решениятнень пачк неявомась, толковамось ды шкастонзо кемекстамось;
– внутриведомственной, межведомственной ды межуровневой вейсэнь важодемань лезэвчинть кастомась, истя жо подрядной организациятнень марто, конатнень тердить исполнительной властень органтнэ, вейсэнь важодемась, проектэнь управлениянь вейкине терявтоманть вельде.
Тонавтнеманть лувсо ванновсть государственной управлениясо проектэнь варчамонь совавтомань кевкстематне. Кортамось мольсь властень органтнэсэ проектэнь тевдеемань организациядонть, проектэнь ветямодонть, проектэнь управлениянть виевгавтомадо ды стандартизациядо.
Семинаронь участниктне теевсть содавиксэкс властень органтнэсэ проектэнь управлениянь тевс нолдамонь региононь ды раськеютконь сехте вадря опытнэнь марто. Истя жо примасть участия командань практикумсонть ды «Проектный комитет» деловой налксемасонть. Весемезэ тонавтнемань программасонть ульнесть 32 ломанть.
Маласо шкастонть государственной программатнень эрявить ютавтомс проектэнь управленияс, региононь властень органтнэнь совавтомс проектэнь вейсэнь управленияс, кемекстамс стратегической, проектэнь ды бюджетэнь планированиянь лезэнь кандыця сюлмот. Истя, седе ламо государственной служащейтне совить федеральной, ведомственной эли региононь уровнянь проектэнь командатнес.