МР-нь Прявтонь тевтнень нурька шкас топавтыцянть Владимир Волковонь Мордовия Республикань Светотехникань чинть кувалма поздоровонзо

«Светотехникань отраслянь мельвановикс важодицят ды ветерант! Ёвтан тенк седейшкавань поздоровт профессиянь кенярксчинть кувалма!

Те чись ашти башка таркасо Мордовиянь ледстнемань читнень ютксо. Сон тешкстави ансяк минек республикасо, тесэ сон кемекстазь ды Россиянь вейкеяк лия регионсо светотехниктненень а явови истямо мель ды почёт.

Течи светотехникань кластерэнь минек предприятиятнесэ нолдави продукция, конась эрявикс Россиянь ды мирэнь рынкатнесэ. Те валдонь энергоэффективной источникть, валдомтомань управлениянь интеллектуальной системат ды ламо мезе лия. Кластерэнь виевгавтомань перспективась сюлмавозь производствань одкстомтоманть, од технологиятнень тевс нолдамонть, вадря качествань продукциянь тееманть, экономикань аволь шожда шкатнестэ вадря невтевкстнэнь саеманть марто.

Кеман, сюпав койтне, производствань ды научной лия енов а молиця базась, специалисттнэнь вадря важодемаст лездыть тенек решамс сехте стака тевтнень, конат аштить минек икеле. Минек вейсэнь вийтнень вельде республикантень велявтови масторонь светотехникань куншкакуронь лемесь.

Башка лембе вал марто мон пшкадян сетненень, кить теизь республикань светотехникань промышленностенть. Тынк туртов, вечкевикс ветерант, эрямосо ды важодемасо прявт ёнксокс ульнесть эсь тевень вечкемась, парсте прянь ветямось, кемечись ды покш ответственностесь. Сюкпря тенк весементь кисэ, мезе тынь теиде тиринь ёнкссонть туртов.

Весе ойместэ ёвтан сюкпря светотехниктненень отраслянь, конась течи ашти республикань экономикань нежекс, теемантень ды виевгавтомантень путовксонть кисэ!

Арсян тыненк ды семиянк туртов кеме шумбрачи, часия, сэтьмечи, Россиянть ды Мордовиянть лезэс важодемасо од саевкст!»

Мордовия Республикань Прявтонь тевтнень нурька шкас топавтыцясь В.Д.ВОЛКОВ