МР-нь Прявтонть Владимир Волковонь Мордовиянтень 87 иетнень топодеманть кувалма поздоровонзо

МР-нь Прявтонть Владимир Волковонь Мордовиянтень 87 иетнень топодеманть кувалма поздоровонзо

Мельвановикс эрицят! Ёвтан тенк седейшкавань поздоровт Мордовиянтень 87 иетнень топодеманть кувалма!

1930 иень январень 10-це чистэ лиссь покш тев минек региононть истроиясо - ВЦИК-нь Президиумось теизе Средневолжской ёнкссонь Мордовиянь округонть Мордовиянь автономной областекс Сарансксойсэ прявтошонть марто. Мордовиянь автономиянь теемась кармась историянь покш тевекс, лездась экономиканть, культуранть ды минек республикань эрямонь весе сфератнень виевгавтомантень, путсь ушодкс Россиянь Федерациясо эрзянь-мокшонь раськень государственностенть теевемань процессэнтень.

Редявикс, те кенярксчинть минь вастано покш изнявкссо промышленностесэ, велень хозяйствасо, ки лангонь ды эрямо таркань строямосо, социальной сферасо, наукасо ды образованиясо, культурасо ды спортсо. Пек покш тевекс минек туртов карми 2018 иень футболонь коряс мирэнь чемпионатонь налксематнень Саранскойсэ ютавтомась. Весе те топавтови ламо кемень иетнень перть республикань сядот тёжат эрицятнень маштомачист ды тевест педе пев топавтоманть вельде.

Меельце иетнень перть Мордовиясь невтизе прянзо политикань коряс кемевикс ды виев экономика марто регионокс, косо сэтьмечисэ ды вейкень-вейкень чарькодемасо эрить ламо раськень ды вероисповеданиянь ломанть. Республикасонть касы чачомась, ды прявтось, - иеде иес ламолгадыть эйкакштне, конат семиятнесэ чачить омбоцекс, колмоцекс ды меельцекс. Те весе невти, ломантне кемить вандынь чинтень.

Обществанть вейсэндямось, весе сфератнесэ сэтьмечинть ванстомась, сэтьмечисэ ды вейкень-вейкень чарькодемасо тевтнень топавтомась - ламо иеть икелев ломантнень паро эрямонь кемевикс гарантият ды Мордовиянь виевгавтомань лув!

Вечкевикс эрицят! Седейшкава арсян тенк кеме шумбрачи, часия, сэтьмечи ды весе паронть!


Мордовия Республикань Прявтось В.Д.ВОЛКОВ