Документэнть алов кедьчелькест путызь Мордовия Республикань Прявтось Артём 3дунов ды «Газпром» ПАО-нь правлениянь председателесь Алексей Миллер.
«Газпромось» поладсы республикань велетнесэ газонь ветямонть. Строявить газопроводт 10 районтнэсэ 22 велетнес - Отяжбуень, Покш Березникень, Ельникень, Зубова-Полянань, Ицялонь, Ковылкинань, Кочкурбуень, Лямбирень, Ромодановань ды Темниковань. Сетень газонтень мереви вейсэндявомс 740 ламо кудотненень.
Неень шкане «Газпромось» полады топавтомо вете иень программанть. 2021 иестэнть саезь компаниясь строясь Мордовиясо 12 велетнес газопроводт.
«Мордовиясо газификациянь невтевксэсь 94% седе ламо - те масторсонть васенце невтевкстнэнь ютксто вейкесь. Республикасонть газоснабжениянь сеттнень кувалмось малав 15 тёжат вайгельбеть. «Газпром» ПАО-нть марто вейсэнь важодеманть вельде поладтано кастомо неть невтевкстнэнь ды пачтямо региононь велетнес газ», - тешкстызе Мордовиянь Прявтось Артём Здунов.
Мордовия Республикань Прявтонь Пресс-службась