2020 иень аштемковонь 29-це чистэ РФ-нь Президентэнть Владимир Путинэнь кармавтоманзо коряс ПФО-со РФ-нь Президентэнь полномочной представителесь Игорь Комаров кунсолынзе эрицятнень кевкстемаст. Видеоконференциянь лувсо Игорь Кормаров ваннынзе Марий Элэнь, Мордовиянь, Чувашиянь ды Оренбургонь эрицятнень пшкадемаст. Мероприятиясонть истя жо ульнесть округонь Федерациянь субъекттнэнь должностной лицятне, исполнительной властень региононь ды муниципальной органонь представительтне, ПФО-нь регионтнэсэ прявт федеральной инспектортнэ.
Ломантне пшкадсть зярыя кевкстема марто: лездамс витнемс тонавтнемань учреждениятнень ды китнень, рамамс медицинань организациятнес покш технологиянь оборудования.
Видеоприемонть шкасто Темниковань 1№ средней школань прявтось Людмила Полшкова энялдсь лездамс школань витнемасонть. Тонавтнемань те учреждениянть сюпав историязо, тедеде сонензэ топодить 50 иеть. Тесэ тонавтнить 327 эйкакшт, содавикс прядыцятнестэ вейкесь – РАН-нь академикесь, Авиационной материалтнэнь Весероссиянь НИИ-нь прявтось Евгений Каблов.
Ней школанть эряви педе пев витнемс, васняяк – чудиця латонть. Людмила Полшкова пшкадсь энялдома марто тонавтыцятнень ды эйкактнень тетяст-аваст пельде лездамс те кевкстемасонть.
Владимир Волков тешкстызе, витнемс эряви аволь ансяк латонть, эряви педе пев витнема. «Минь ваннынек те кевкстеманть. Школань витнемась ушодови сы иень аштемковсто, ды прядови тонавтнема иень ушодовомантень». Латодонть башка полавтовить лембень ды ведень пачтямонь сетне, электропроводкась, сантехникась, чувтонь полось, кенкштне, вальматне ды истя седе тов. «Те кевкстеманть эсест кармавтоматнесэ ёвтызь кочкицятне!» - тешкстызе Республикань Прявтось.
Школанть витнемс эрявить 45,5 миллионт целковойть, 36 млн. явовить федеральной бюджетстэ «Развитие образования» госпрограммань топавтоманть лувсо. Латось витневи уш тедеде. Президентэнь полпредэсь кармавтсь топавтомс весе тевтнень аравтлувонть коряс, прявт федеральной инспекторонтень Михаил Сезгановнень – пачтямс теезденть.
Владимир Волков ёвтнесь, Темниковань школань чачома чинтень казнекс карми «Точка роста» тонавтнемнаь центрань панжомась. Рамазь неень шкань оборудования – тренажерт-манекент, 3D-принтерт, квадрокоптерт ды ламо мезе лия. Темниковань школань тонавтницятнень туртов теевить вадря условият «Информатика», «ОБЖ», IT ды медиа технологиятнень тонавтнеманть, шахматасо налксеманть туртов.
Вастовомасонть ульнесть МР-нь Правительствань Председателень полавтыцясь Галина Лотванова, МР-нь образованиянь министрась Галина Явкина, Темниковань муниципальной райононь прявтось Сергей Кизим.
Мордовия Республикань Прявтонть пресс-службась