Раськетнень вейсэндявомань чись – кенярксчи, конась тешксты весе минек вийтнень кемекстамонть. Сон ледстни: вейсэ минь печтясынек весе стакачитнень.
Тежат иетнень перть минек державань эрицятнень ламо раськень семиянть вейсэнди вейсэнь тевесь: ванстомс Россиянть, ванстомс сонзэ виевчинть. Минь паронть ено. Истя ульнесь ды карми улеме свал. Ды кияк а лоткавтсамизь, а сти минек кинть лангс.
Те иесь Мордовиясо ютась раськетнень вейсэндявомань тешксэнть ало. Евтан седейшкавань сюкпря весенень, кие важоди минек масторонть ды тиринь республиканть лезэс, кие теи весементь сынст виевгавтомаст туртов. Сюконято сеттнень икеле, кие лезды Тиринь масторонь ванстыцятненень ды сынст семиятненень. Сюкпря весенень, кие теи путовкс минек Отчизнань мельтнень-ванновтнень ванстомань вейсэнь тевентень.
Седейшкава арсян кеме шумбрачи, сэтьмечи ды паро эрямо. Кенярксчи марто, ялгат!
Мордовия Республикань Прявтось А. Здунов