Течи «Огарёв Арена» спортонь комплекссэнть евтазь «сырнень» ды «сиянь» дивизиононь призертнэ ды изницятне.
«Сырнень» дивизионсонть сехте вадрякс кармась Равчирень кись, сиянь – Новороссиянь кись.
Каземань церемониясонть ульнесть Роспрофжел-нь председателесь Сергей Черногаев, Куйбышевень чугункань кинь прявтось Вячеслав Дмитриев, Мордовия Республикань Правительствань Председателень Васенце полавтыцясь Игорь Фрейдин, Компаниянь Социальной виевгавтомань департаментэнь прявтонь васенце полавтыцясь Евгений Поспелов, «Локомотив» РФСО-нь генеральной прявтось Андрей Голдобин, 1984 иень Олимпийской чемпионось, масторлангонь 6-ксть чемпионось Василий Первухин.
«Шумбракстнемань вал марто пшкадян эсь командатнень, эсь чугункань китнень кисэ весе «сэредицятненень»! Те налксеманть виде эфирсэ ваныть тынк коллегатне ды, нама, пек мелявтыть тынк кисэ. Пек куроксто ютась минек «РЖД ды РОСПРОФЖЕЛ» экспрессэсь. Минь неинек, кода те иенть перть кассь хоккеистнэнь ерокчист. Ды, нама, изнямонть саемс седеяк стака. Арсян весе командатненень саемс се цетавксонть, конань сынь путыть эсест икелев. Минь тейтяно весементь: чугункань китнень лангсо спортось виевгадозо, ды кеман, весе изнямотне учить икеле», – мерсь Роспрофжел-нь председателесь Сергей Черногаев.
«Лучший защитник» лемесь максозь Андрей Алемасовнень (Дальневосточной кись), «лучший вратарь» номинациясонть заслуженной награданть саизе Равчирень железнодорожникесь Арсен Сомов.
«Лучшим нападающий» лемесь максозь Михаил Сорокиннэнь (Московонь кись). «Лучший игрок турнира» - Даниил Субботин (Равчирень кись).
Цератненень максозь клюшкат Спортонь заслуженной мастерэнть, Россиянь Хоккеень Федерациянь президентэнть, РФ-нь Государственной Думань депутатонть Владислав Третьяконь афтографонзо марто!
Вейсэнь командань зачетось. «Сырнень» дивизионось
1. Равчирень кись
2. Дальневосточной кись
3. Московонь кись
4. Северной кись
5. Октябрьской кись
6. Горьковской кись
7. Западно-Сибирской кись
8. Красноярской кись
⠀
Вейсэнь командань зачётось. «Сиянь» дивизионось
1.Новороссиянь ЖД-сь
2. Юго-Восточной кись
3. Куйбышевень кись
4. Южно-Уральской кись
5. Управлениянь аппаратось
6. Свердловской кись
7. Забайкальской кись
8. Восточно-Сибирской кись
9. Северо-Кавказской кись