«Минек пурнамонь прявт тевесь - ванномс тевтнень сыця призывенть коряс, конась ушодови уш ванды, истя жо ванномс талновтыця кевкстематнень тундонь призывной кампаниянь ютавтомань опытэнть мельсэ кирдезь», - тешкстызе республикань руководителесь.
Тешкстазель, эрьва ие ютавтови пелькстамо военной службантень эрицятнень сехте вадря анокстамонть, призывень анокстамонть ды ютавтоманть коряс. Минек республикась 2024 иень цетавкстнэнь коряс невтезель Центральной военной округонть пельде Центральной конкурсонь комиссиянтень ванкшномс, кода ЦВО-нь 29 субъекттнэнь ютксо васенце тарканть саицясь. Пелькстамонь невтевкстнэнь коряс Мордовиясь сайсь колмоце тарка Россиянь келес.
Тундонь призывной кампаниянь невтевкстнэнь коряс республикасонть ванстови срочной службань ютамонтень кучовицятнень коряс сехте покш невтевкстнэстэ вейкесь, истя жо высшей образованиянть марто, военной службантень маштовоманть коряс – те малав 85 %.
Мордовиянь Прявтось тешкстызе ДОСААФ-нть покш таликанзо военной службантень эрицятнень анокстамосонть ды военно-патриотической воспитаниянь ладямосонть. Маласо шкантень прявт тевесь - кепедемс организациянть материально-технической юронь уровнянть, виевгавтомс Михаил Девятаевень лемсэ аэроклубонть.
Артём Здунов кармавтсь: ютавтомс сёксень призывень мероприятиятнень пек вадрясто. Покш талика тенесэ саест учетонь важодемань цифровизациясь ды ведомстватнень ютксо вейсэнь важодемась.
Кортамосонть башка мель явозель военной службас саемадо эрицятнень кекшнемантень. Ожоковонь 1-це чистэнть саезь эрицятнень тердемадост кармить пачтямо госуслугатнень вельде электронной лувсо. Эрьва кекшницянть коряс ветявозо башка важодема. Покш мель явови интернет-ресурстнэнь тевдеемантень, конат ветить аволь закононь тевдеема те ёнкссонть.
Мордовия Республикань Прявтонь Пресс-службась