Республикань Правительствасонть ванкшнызь прявт проекттнэнь.
Январень 16-це чистэ ютавтовсь Мордовия Республикань Правительствань промксось. Кортамось мольсь социальной сфератнесэ прявт проекттнэнь паспорттнэнь кемекстамодо, сынст ютксо здравоохранениясь ды ЖКХ-сь.
Здравоохранениясо неть проекттнэде ниле.
Васенцесь - те «Совершенствование организации медицинской помощи новорожденным и женщинам в период беременности и после родов». МР-нь Здравоохранениянь министранть Михаил Морозовонь пачтямонзо коряс, республикасонть те ёнкссонть теезь медицинань лезксэнь явомань колмо уровнянь система, конась уш лездась вадрялгавтомс качестванть, нолдамс тевс неень шкань технологият.
Неень шкане прявт тевесь - ванстомс вадря невтевкстнэнь ансяк чачозетнень ютксо куломанть киртямга.
Истя жо покш мель явови «Совершенствование процессов организации медицинской помощи на основе внедрения информационных технологий» проектэнтень. Тесэ истя жо улить вадря невтевкст, тень лангс апак вано, 2019 иентень эряви топавтомс зярыя прявт тевть. Истя, медицинань организациятне, конат нолдыть тевс медицинань информационной системат, конат ютыть электронной документооборотс, улест 75%.
Эштё вейке проектэнть лемезэ - «Внедрение автоматизированной системы мониторинга движения лекарственных препаратов от производителя до конечного потребителя для защиты населения от фальсифицированных лекарственных препаратов и оперативного выведения из оборота контрафактных и недоброкачественных препаратов».
Ды меельце проектэсь - «Обеспечение доступности оказания первичной медико-санитарной помощи и своевременности оказания экстренной медицинской помощи населению Республики Мордовия, проживающего в муниципальных районах».
- Прявтокс минек туртов ашти первичной медико-санитарной лезксэнть виевгавтомась, теемс сонзэ малавиксэкс республикань эрьва эрицянтень, - тешкстызе МР-нь Правительствань Председателесь Владимир Сушков.
Тень туртов арсеви ламолгавтомс общеврачебной практиктнень, келейгавтомс выездной бригадатнень важодемань таркаст, теемс маршрутонь вадря система.
Медицинань услугатнень доступностест кастомга (те тешкстазь Мордовиянь Прявтонть Владимир Волковонь Кучомасонзо), эряви кемекстамс ды од лувсо ладямс медицинань куроксто лезксэнь явомань службанть важодеманзо.
ЖКХ-нть коряс прявт проектэсь - «Обеспечение качества жилищно-коммунальных услуг на территории Республики Мордовия предусматривает внедрение единого актуализированного стандарта деятельности по управлению многоквартирными домами, размещение в ГИС ЖКХ информации о платежных документах, о размере платы за жилое помещение и коммунальные услуги, о задолженности по оплате жилых помещений и коммунальные услуги».
«Формирование комфортной городской среды на территории Республики Мордовия» проектэнть коряс арсеви вадрялгавтомс эрямонь коенть муниципальной теевкстнэсэ, косо эрить 1000 ламо ломанть.
Промкссонть ванкшновсть лия кевкстематкак.
Мордовия Республикань Прявтонть пресс-службась