Кругловой столесь ютавтовсь «Артек» эйкакшонь раськеютконь куншкакуросонть. Мордовиянь Прявтось вейсэндявсь те кевкстемань кортамонтень Московсто видеосвязенть вельде.
Ледстясынек, иенть ушодовомсто Россиянь 17 тежадо ламо школатне ды 7 тежадо ламо эйдень кужотне примасть участия партиянь проектэнь акциятнесэ. Васенце вете регионтнэнь ютксо – Мордовия Республикась, Ставропольской ды Красноярской енкстнэ, Саратовской ды Ростовской областтне. Сехте ламо участникть пурнась «Здоровое питание в школе и дома» акциясь.
Школасо тонавтницятнень – акциятнень изницятнень казизь «Артекев» путевкатнесэ. Минек республикань делегациясь кармась сехте покшокс Россиянь весе регионтнэнь ютксо – 41 ломань.
Артём Здунов, кругловой столентень пурнавозетненень пшкадемстэ, ледстизе Россиянь свалшкань духовно-нравственной питнейчитнень ванстоманть коряс масторонь Президентэнть Указонзо ды евтнесь «Мир возможностей» проектэнть лувсо республикань ушодкстнэде. Сынст ютксто вейкесь - «Артек - самая длинная смена» художественной фильмань теемась, сон алтазь Ине Отечественной войнань ушодовомань ды лагерень эвакуациянь историянтень. «Минек улить театрань ламо студият ды од ломанень организацият, минь панжинек ПФО-со сехте покш од ломанень театратнестэ вейкенть, – мерсь Мордовиянь Прявтось. – Секскак минек шкинемань коллективтне анокт примамс тенесэ участия».
Артём Здунов тешкстызе школасо тонавтницятнень шумбрасто андомань коряс проектэнь эрявиксчинть. «Минь топавтано сонзэ Государственной Советэнь комиссиянть вельде, пек редявикстэ шаштынек икелев – важодтяно аволь ансяк минек масторонь регионтнэнь марто, истя жо Таджикистанонть, Армениянть ды лия мастортнэнь марто. Те проектэсь пек эряви тенек, секс мекс эйкакштнень шумбрачист – минек политикань прявт енкстнэстэ вейкесь», – тешкстызе республикань Прявтось.
«Артексэ» ютавтовсь проектэнь сессия, конань лувсо Мордовиясто инициативной группась невтинзэ эсензэ важодевксэнзэ «Традиции здорового питания» акциянть коряс.
Кругловой стольсэнть школасо тонавтницятнень шумбрасто андомань коряс мельтнеде-арсематнеде евтнесь Ицялонь енксонь Оброченской школасто Вячеслав Абрамов.
Артём Здунов истя жо тешкстызе, «Сделаем вместе» движениянть лувсо республикань ушодкстнэ сюлмавозь вишка тевтнень лувонть марто. Спортонь примерэнть коряс республикань руководителесь толковизе, кода те важоди. «Мордовиясо пек ламо спортонь сооруженият – те футболонь стадион, конась стявтозь масторлангонь чемпионатонтень, ВМХ-спортонь покш куншкакуро. Текень марто минь путтано спортонь тренажерт кудотнень малав, школань площадкатнес», – мерсь республикань Прявтось.
«Мир возможностей» проектэнь координатортнэ евтасть мель нолдамс федеральной вейке од акциянть самай минек республикасо.
Мордовия Республикань Прявтонь пресс-службась