Региононь таможнянь од руководителесь – чачсь Саранскойсэ, таможнянь органтнэсэ служи 1998 иестэнть саезь, ютынзе профессиональной касомань весе чалгамотнень инспекторсто саезь таможенной оформлениянь ды таможенной контролень отделэнь прявтонть видьс. Федеральной таможенной службань приказонть коряс даволковонь 15-це чистэ саезь Константин Поршин аравтозь Саратовань таможнянь Мордовиянь таможенной постонь прявтокс.
Вастовомасонть кортасть региононь внешнеэкономической виевгавтомань коряс вейсэнь тевдеемань кевкстематнеде. Прявт енкстнэ ней, кода тешкстызе Мордовиянь Прявтось, – те Саранскоень аэропортонь нолдамонь раськеютконь пунктонь панжомась ды республикасонть промышленно-производственной лувонь экономикань башка зонань теемась. «Экономикань башка зонась – региононть туртов пек эрявикс объект, истямо республикасонть эште арась. Сонзэ эйстэ ламосо карми аштеме Мордовиянь экономикань виевгавтомась», – мерсь Артём Здунов.
Истя жо кортасть кевкстематнеде, конат сюлмавозь таможенной операциятнень куроксто топавтомаст марто. 2023 иестэ республикань предприятиятнень микшнемань партнерокс кармасть 60 седе ламо масторт, сехте покш экспортерокс кармасть Казахстан ды Беларусь.
Вастовомасонть ульнесть вице-премьерэсь Батыр Эмеев ды МР-нь экономикань, микшнемань ды предпринимательствань министрань тевтнень топавтыцясь Иван Горин.
Мордовия Республикань Прявтонь пресс-службась