Мордовиянь Прявтось Владимир Волков июнень 11-це чистэ ютавтсь важодемань вастовома "Мордовия" ФК-нь прявт тренерэнть Марат Мустафин ды клубонь прявтонть Николай Левин марто. Кортавсть командасонть молиця тевтне ды сыця сезононтень анокстамось. Ледстясынек, "Мордовиясь" ПФЛ-нь прядовозь первенстванть коряс лиссь Футболонь национальной лигас.
Неень шкане, кода пачтясь республикань Прявтонтень прявт тренерэсь, моли командань пурнамось. "Сехте прявт тевесь - теемс виев коллектив ды анокстамс налксемасонть эсенек стиль, конась бу кенярдовтоволь ваныцятнень, тердевель трибунатнес спортонь те видэнть од вечкицят", - мерсь Владимир Волков. Республикань Прявтось истя жо тешкстызе эсенек воспитанниктнень марто селекциянь важодемань эрявиксчинть, од налксицятнень профессионалонь уровняс кастоманть.
Владимир Волков тешкстызе: республикасонть футболонь виевгавтомантень покш эскелькс максы масторлангонь чемпионатось, конань ушодовомас кадовсть ловозь чить. Футболонь клубонтень максови покш тевкадовкс - стадион ды тренировкань площадкат, конатне истя жо кармить эрявикст Равчирень Од футболисттнэнь анокстамонь центрантень. Мордовиянь Прявтось ледстизе, Государственной Собраниянтень эсензэ Кучомасонзо сон кармавтсь виевстэ важодемс эйкакшонь футболонть кирдемга. Чемпионатонть прядовомадо мейле Мордовиясо тееви од турнир - 16 иеде седе вишкинетнень туртов Эйкакшонь фуболонь лига.
Мордовиянь Прявтось алтась вастовомс команданть марто футболонь од сезононть ушодовомадо икеле.
Мордовия Республикань Прявтонть пресс-службась