Мордовия республикантень 2017 иестэ явовить ярмакт федеральной бюджетстэ 111 млн 936 тёжат целковоень покшолмасо эрицятнень башка категориянтень лекарствань препаратонь, медицинань изделиянь ды инвалид-эйкакштнень туртов лецямонь ярсамопелень рамамс.
Те кармавтоманть тешкстызе Россиянь Правительствань Председателесь Д.А.Медведев ды сон путозь ведомствань официальной сайтонтень.
Тешкстазь распоряжениянть коряс 2017 иестэ федеральной бюджетстэ явовить 31,609 млрд целковойть Федерациянь субъектнэнь бюджетнэнень эрицятнень башка категориянтень лекарствань препаратнэнь лангс рецептнэнь коряс лекарствань препаратонь, медицинань изделиятнень лангс рецептнэнь коряс медицинань изделиянь, истя жо лецямонь ярсамопелень рамамс.
Истя жо региононтень явовить 18 млн целковойть 2017 иестэ медицинасо важодицятненень ве шкань компенсациянь пандомс.
«Развитие здравоохранения» госпрограмманть лувсо явшезь межбюджетэнь трансфертнэ ФОМС-нь бюджетстэ ОМС-нь фондонь территориянь бюджетнэнень 3200 млн целковень покшолмасо. Те лезды максомс важодемань таркат 5 тёжат врачтнэнень велень, важодемань поселкань ды ошонь типень поселкань медицинань учреждениятнесэ.
№326-ФЗ (51 статьясь) Федеральной закононть коряс 2017 иестэ пандови ве шкань компенсация (1 млн целковойть вейке специалистэнть лансг) медицинасо важодицятненень, конатнень 50 иеде аламо, сынст ули высшей оборазованияст, конат 2016 ды 2017 иетнестэ састь важодеме велень, важодемань поселкань ды ошонь типень поселкань медицинань учреждениятнес ды тешкстасть договор Федерациянь субъектэнть исполнительной властень уполномоченной органонть марто.