Невтемакс, весенень, кинь ульнесь мелест, меревсь тонавтнемс артомо пертьпелькс, теемс коневсто покш мазылгавтомат. Покш мель республикась истя жо явсь экологиянь содамочитненень, койтненень ды культурантень. Специалисттнэ евтнесть шукшонь башка-башка пурнамонь таликадонть ды макссть эрявикс куля сеедьстэ тевс нолдавиця материалтнэнь башка енкстост (коневонть, кшнинть, пластикенть, суликанть ды истя седе тов).
Теде башка, Мордовиясто делегациясь ульнесь чинь прявт тевсэнть – пленарной промкссонть, конасонть ульнесь Россиянь Федерациянь Правительствань Председателень полавтыцясь Виктория Абрамченко.
«Миненек макссть эрявикс превспутомат, кона енксонтень миненек эряви шаштомс. Нама, минек республикась – экологиянь весе программатнень, «Экология» национальной проектэнь а явовиця пелькс. Минь кемекстынек тевть ды карматано тенст молеме. Башка тешкстаса, ламот бажасть понгомс мероприятиятнес, конат ютавтовсть те чистэнть Мордовиянь стендэнть вакссо», – мерсь МР-нь Вирень, охотничьей хозяйствань ды природопользованиянь министрась Адель Галиуллин.
Мордовия Республикань пресс-центрась