Мордовиясь невтизе региононь стендэнть вакссо «День национальных брендов Республики Мордовия» программанть. Тесэ гайгсть эрзянь-мокшонь моротне ды ютавтовсть эрьва кодат мастер-класст. Невтемакс, весень, кинь ульнесь мелест, тонавтсть налксеме раськень музыкань инструменттнэсэ, кодамо Теньгушевань содавикс семицветкань тешкстнэнь ды истя седе тов.
Республикань стендэнть вакссо Культурань Чинь башка блокось алтазель Степан Эрьзя ине скульпторонтень. Мордовиянь государственной раськень драмань театрань артисттнэ невтизь «Эрьзя. Летящий к свету» спектаклястонть саевксэнть. Истя жо анокстазель мастерэнть важодевкстнэнь коллекциянть коряс виртуальной экскурсиясь. Башка мель явозель Степан Эрьзянь скульптуратнень авторонь презентациянтень, ине скульпторонть налксизе Павел Михайлов актерось.
Эрзянь-мокшонь раськень редявикс ды лия енов а молиця культуранть марто теевемс содавиксэкс инжетненень лездась «Варма» этно-арт-театранть пельде шоу-невтемась. Сон евтнесь раськень койтнеде-кирдатнеде неень шкань ванновтонть вельде.
«Течи Мордовиянь стендэнть вакссо весела ды тесэ, нама, ламо ваныцят. Секс мекс художественной промыслатне, раськень культурась явовтыть мель эсест мазычист вельде. Минь тердтяно весень минек региононь стендэнть ваксс, штобу марямс Мордовиянь лембенть!» – мерсь МР-нь Культурань, раськень политикань ды архивень тевень министрась Светлана Баулина.
Мордовия Республикань пресс-центрась