Россиянь наукань чистэнть Мордовиянь Прявтось Владимир Волков примась участия «Молодежный» инновациянь бизнес-инкубаторонть панжомасо, конась карми Мордовия Республикань IT-отраслянь инновациянь виевгавтомань куншкакурокс. Од объектэсь теезь ушодыця предпринимательтненень лездамга ды яви тенст инфраструктурань ды консалтингень услугат. Ушодыця предпринимательтненень максовить арендас помещеният, косо ули эрявикс IT-оборудования, программань обеспеченият, мебель ды оргтехника, истя жо бизнесэнть ветямонть туртов эрявикс услугат, сынст юткссо консультациянь, бухгалтерэнь ды юридическойть.
Владимир Волков мель марто ванкшнынзе бизнес-инкубаторонь зонатнень, конат саить весемезэ 2,5 тёжат кавонзазь метрат. Васенце этажсонть - проектнэнь туртов коворкингесь (те - мелень-арсемань максомань площадка), тосо истя жо - сервисэнь компаниянь, бизнес-инкубаторонь управляющей компаниятнень офист, учома таркат ды 44 ломаньс столовой. Коворкинг зонасонть Республикань Прявтось од предпринимательтнень марто кортамсто тешкстызе республикасонть инновациянь кадрань кастомань ламо уровнянь системань эрявиксчинть: «Эйкакшонь технопаркось, «Молодежный» бизнес-инкубаторось. «Мордовиянь Технопаркось», «IT-парк» проектэсь - весе те IT-технологиятнень сферасо важодеманть туртов од ломантнень тердемась. Миненек эряви пештемс республикань рынканть покш уровнянь IT-специалисттнэсэ».
Омбоце этажсонть Владимир Волков ванкшнызе коворкингень эште вейке зонанть бизнес-инкубаторсонть весемезэ эйстэст - важодемань 127 таркас), переговоронь нупальть, 49 таркас конференц-зал. Бизнес-инкубаторонь резидентнэ невтизь Республикань Прявтонтень инновациянь проектэст, юткссост: беспилотниктнень, авиациянь электроникань САПР-нть вельде земледелиянь программань-аппаратонь комплексэнь, чугункань кинь транспортсонть тевс нолдамонть туртов светодиодонь прожекторонь лампатнень теемань коряс проектт. Владимир Волков кирдинзе Мордовиянь инноватортнэнь мелест, тешкстызе, проекттнэнь анокстамонть эряви ветямс практикасо варчавкстнэнь марто вейсэ, сынст топавтомантень эряви вейсэндямс предприятиянь прявттнэньгак.
Од объектэнть панжомсто журналисттнэнь марто кортамсто Владимир Волков тешкстызе: «Молодежный» бизнес-инкубаторось максы важодемань од таркат. Эряви мелень явозь ванкшномс ды кочкамс инновациянь проекттнэнь бизнес-инкубаторонь резидентэкс кочкамонть туртов. Минь путтано прявт тев, неть мельтне-арсематне седе куроктсо топавтовольть практической бизнес-проектс, конат кармить эрявиксэкс аволь ансяк республикасонть, истя жо Россиясо ды томбале».
«Молодежный» бизнес-инкубаторось панжозь Псковская ульцясонть икелень эйдень больницянть одкстомтозь зданиясонть, сонзэ теемантень федеральной бюджетстэ явозь 94,5 млн. целковойть ды 14 млн. целковойть Мордовия Республикнаь бюджетстэ. Эште вейке корпусонть арсеви теемс IT-парконть туртов, кода Казаньсэ, тердемс тов башка инвестортнэнь ярмакост. Владимир Волков кармавтсь ушодомс те проектэнть топавтоманть шкань апак таргсе.
Мордовия Республикань Прявтонть пресс-службась