Рузаевкань ды Отяжбуень НКО-ненень максовить 4,7 млн целковойть проекттнэнь топавтомс

Рузаевкань ды Отяжбуень НКО-ненень максовить 4,7 млн целковойть проекттнэнь топавтомс

2020 иень Президентэнь грантонь фондонть кавто пелькстамотнень итогтнень коряс Рузаевкантень ды Отяжбуентень максовить грантт эсест проекттнэнь топавтомс. Аволь коммерческой организациятненень явовить малав 4,7 млн цлковойть.

Ламот проекттнэ сюлмавозь эрицятнень социальной ванстоманть, эрямонь шумбра лувонть пропаганданть, истя жо семиятненень лездамонть марто.

Рузаевкань аволь коммерческой организациятненень весемезэ явовить 3,4 млн. целковойть. Сынст эйстэ 2,4 млн целковойтне ютавтовить «Рост» од ломанень общественной организациянь «Точка Роста» проектэнть топавтомс. «Время - Жить!» ды «Добрые дела для родного села» проекттнэс – 496 тёжат целковойть эрьвантень.

Отяжбуентень явовить 1,3 млн целковойть. Проекттнэнь-изницятнень ютксо - «Вместе шагаем к здоровому образу жизни», «Атяшево - поселок долголетия» ды «Сырнень ал» алонь этно-фестивалесь. Эрьва проектэнть топавтомс явовить 400 тёжат целковойде ламо.

«Пек паро, республикань аволь коммерческой организациятне анокстыть проектт ды изнить президентэнь грантт, - мерсь Мордовиянь Прявтось Владимир Волков. – Проекттнэнь топавтомась лезды виевгавтомс неть таркатнень, тееме эрямонь вадря условият ломантнень туртов».

Целанек масторонть келес кавто пелькстамотнень итогтнень коряс явовить малав 370 млн целковойть.