Артём Здунов тешкстызе, делегациянь содавтомась ютавтови Россиянь ды КНР-нь лидертнэнь решениятнень лувсо, конат кемекстазь государстватнень прявттнэнь ютксо аволь умонь вастовомасонть, минек мастортнэнь ютксо весе енкстнэнь коряс вейсэнь тевдеемань келейгавтомадо. «Минь карматано нежедеме экономиканть, спортонть, культуранть ды образованиянть лангс», – мерсь вастовомасонть Мордовиянь Прявтось.
Республикань руководителесь истя жо тешкстызе, вейсэнь тевдеемась уш эрязасто ветяви Н.П. Огарев лемсэ МГУ-нть ды Цзянсуской наукань ды технологиятнень университетэнть ютксо.
Вастовомасонть кортасть регионтнэнь ютксо седе тов вейсэнь тевдеемадонть, истя жо Саранск ды Чжэньцзян оштнень ютксо побратимской сюлмотнень ладямодост.
Сундерьковонь 8-це чистэ ютавтови «Волга– Янцзы» лувсо регионъютконь вейсэнь тевдееманть коряс Советэнь промкссось, тосо карми улеме Равчирень федеральной округсо Президентэнь Полномочной представителесь Игорь Комаров.
Мордовия Республикань Прявтонь пресс-службась