Пелькстамотнесэ примить участия содавикс наставниктнень тонавтницятне - Этери Тутберидзень, Евгений Плющенконь, Алексей Мишинэнь ды ламот лиятнень. Эенть лангс лисить малав 100 спортсмент. Ваныцятне нейсызь тейтерьтнень, цератнень, паратнень невтемаст, истя жо эй лангсо киштематнень.
Мордовиянть кисэ пелькстамо карми Мария Красноженова, «Академия фигурного катания на коньках» Спортивной школань воспитанницась.
«Саранскойсэ спортонь объекттнэсэ ламоксть ютавтовсть спортонь те видсэнть национальной прявт старттнэ. Ютазь иень эйзюрковсто региононь прявтошсо ютавтовсть конька лангсо синхронной кирякстнемань коряс Россиянь чемпионатось ды первенствась. 2022 иестэ Саранскоень эенть лангсо ютавтовсть «Тинькофф Кубка Первого канала» баталиятне. Фигуристтнэнь пелькстамотне свал пурныть ламо ваныцят. Натой сакшныть лия регионтнэстэяк», – тешкстызь МР-нь Спортонь министерствасонть.
Пелькстамотнень расписаниясь:
Даволковонь 6-це чистэ - 14:00 - 21:50
Даволковонь 7-це чистэ - 13:15 - 21:05
Даволковонь 8-це чистэ - 12:00 – 17:00
Билеттнэнь мереви рамамс «Огарёв Аренань» кассатнесэ ды ссылканть коряс.
Справкатнень туртов телефонось: +7 (927) 173-53-57.