Саранскойсэ ютавтовсь ризксэнь церемония, конась алтазь Ине Отечественной войнань ушодовомань 79-це иетненень

Саранскойсэ ютавтовсь ризксэнь церемония, конась алтазь Ине Отечественной войнань ушодовомань 79-це иетненень

Аштемковонь 22-це чись – Ледстнемань ды ризксэнь чи. Те чистэнть 79 иеде икеле ушодовсь Ине Отечественной войнась – весе войнантнень ютксо сехте зыяновось, тюремань паксятнесэ маштовсть минек масторонь 27 миллионт ломанть. Те войнадонть ледстнематне, кода а оймиця сэредькс, свалшкас кадовить сетнень седейс, кить кадовсть живстэ, миллионт солдатнэнь эйкакштнень ды нуцькатнень мельс.

Саранскойсэ Изнямонь площадьсэнть ютавтовсь ризксэнь церемония, конась алтавсь Ине Отечественной войнань ушодовомань 79-це иетненень. Тосо ульнесть Мордовиянь Прявтось Владимир Волков, МР-нь Государственной Собраниянь Председателесь Владимир Чибиркин, МР-нь Правительствань Председателесь Владимир Сушков, МР-ва прявт федеральной инспекторось Михаил Сезганов, Саранск ошонь округонь прявтось Петр Тултаев.

Ине Отечественной войнасо маштовозь Мордовиясо чачозетнень кеврунгонтень путозь цецянь пусмот. Маштовозетнень ледстизь чатьмонемань минутасо.

Мордовия Республикань Прявтонть пресс-службась