Сон эрямонзо перть важодсь тиринь велень колхозсо. Ушодсь важодеме кемень иесэ, зярдо кадовсь ававтомо. Тетянзо войнань васенце читнестэ саизь фронтов, 1942 иестэ сон емась кулявтомо. Уцяскась лиссь истя: сон мирденень эзь лисе, эйкакшт эзь чачта. Анастасия Никифоровнань туртов тиринсекс кармась сводной ялаксонзо Николаень семиязо, лездась кастомс сонзэ эйкакштнень. Велень эрицятне кортыть сонзэ ланга: «Ине важодиця, паронь арсиця ды виздиця».
Ламо ды вадря иеть тенк, мельвановикс Анастасия Никифоровна!
Мордовия Республикань Прявтонь пресс-службась