Медьковонь 6-це чистэ Мордовиянь Правительствань промкссонть ванновсть нацпроекттнэнь топавтомань кевкстематне. Республикань Правительствань Председателесь Владимир Сушков тешкстызе, зярыя объекттнэсэ важодить аволь ламо ломанть, а топавтовить аравтлувтне.
Ютазь оймсема читнестэ Владимир Сушков ваннызе Республикань эйкакшонь больницянь хирургиянь корпусонь ды Республикань онкологиянь диспансерэнь поликлиникань строямонть, сынь стявтовить «Здравоохранение» нацпроектэнть лувсо. Сон кармавтсь важодемс чинь-вень перть ды пштистэ ваномс топавтозь тевтнень качестванть мельга. Истя республикань Правительствань Председателесь тешкстызе, эряви анокстамс весе документациянть онкодиспансерэнь зданиянть витнемга. Тедеде нацпроектэнть лувсо витневить-одкстомтовить 70 ФАП-т ды врачонь вейке амбулатория.
Промксонть лувсо кортавсть Саранскойсэ Строительной курованть кинь теемань кевкстематне.
«Формирование комфортной городской среды» федеральной проектэнть лувсо 2020 иестэ Мордовиясо арсевить витнемс 102 кудонь перька таркат ды общественной 7 таркат. «Важодеманть эряви ушодомс весе объекттнэсэ, тевтнень топавтомс вадрясто ды шкастонзо», - тешкстызе Владимир Сушков.
Правительствань Председателесь кармавтсь эрязкавтомс тевтнень Саранскойсэ МР-ва МЧС-нь ГУ-нь кризисэнь шкатнестэ управлениянь куншкакуронь строямонть коряс.