Владимир Сушков ваннынзе, кода Лямбирень ёнкссо топавтовить нацпроекттнэ

Владимир Сушков ваннынзе, кода Лямбирень ёнкссо топавтовить нацпроекттнэ

Аштемковонь 28-це чистэ Мордовиянь Правительствань Председателесь Владимир Сушков теевсь содавиксэкс Лямбирень ёнкссо нацпроекттнэнь топавтоманть марто. «Образование» нацпроектэнть лувсо Аксеново велесэ строяви од школа, сонзэ велень эрицятне учить умок. Од зданиясь, конантень теевить 165 таркат, стявтови неень шкань весе вешематнень коряс. Объектэнть питнезэ – 250 миллиондо ламо целковойть, 200 миллионт целковойть явозь федеральной бюджетстэ. Владимир Сушков тешкстызе, эряви эрязкавтомс строямонь тевтнень, важодемс кавто сменасо. Коронавирусонь инфекциянть а нолдамга, строямонь площадкасонть эряви топавтомс санитарной весе вешематнень.

«Культура» нацпроектэнть лувсо «Коммунар» совхозсонть витневи велень клубось. Кирпицень кавто этажонь зданиясь строязь 1969 иестэ, витневи васенцеде. Тесэ карми 200 таркас концертэнь зал, кужинесэ важодемань туртов нупальть, библиотека, кизэнь эстрадань плорщадка, оймсема трака, эйкакшоннь налксема тарка.

Лямбирьсэ «Комплексное развитие сельских территорий» госпрограмманть лувсо витневи «Алмаз» культурань-спортонь куншкакурось. Неть тевтнень топавтомс явозь 130 млн. целковойть, 104 млн. – федеральной бюджетстэ. Ней вельтяви латось ды топавтовить отделкань тевтне. Одкстомтозь Культурань Кудонть арсеви панжомс тедеде.