Мордовия Республикань Прявтонь тевтнень нурька шкас топавтыцясь Владимир Волков вастовкшнось Орданбуень райононь прявтонть Александр Антипов марто. Ванкшнозь ламо кевкстемат, конат сюлмавозь те ёнксонть сциально-экономической виевгавтоманть марто.
Вастовомань прявт тематнень эйстэ вейкекс кармась эрицятнень кармавтомаст марто важодемась. Владимир Волков тешкстызе: «Эрицятнень кармавтомаст топавтомась – минек важодемасо прявт тевесь, властень весе уровнятнэнь туртов сехте васенце задача».
Орданьбуе ёнксонь эрицятнень ламот кармавтоматне, кода тешкстызе Александр Антипов, сюлмавозь китнень строямонть ды витнеманть марто. Вастовоманть шкасто кортавсть те иентень ды маласо шкантень кинь тевтнень коряс аравтлувось.
Кортавсть социальной прявт объекттнэнь строямонь кевкстематне. Истя, токшезель 250 таркас эйдень кужонь строямось, райононь ЗАГСонть туртов зданиянть педе-пев витнемась, Орданьбуесэ Культурань од кудонть панжомась.
Истя жо Владимир Волков кортась райононь прявтонть марто Орданьбуень светотехнической заводонть ды агропромышленной комплексэнь предприятиятнень важодемадост.
Мордовия Республикань Прявтонть пресс-службась