Владимир Волков: «Мордовиянь эрицятне эрязасто якасть Конституцияс полавтоматнень совавтомань коряс кочкамонтень»

Владимир Волков: «Мордовиянь эрицятне эрязасто якасть Конституцияс полавтоматнень совавтомань коряс кочкамонтень»

Медьковонь 1-це чистэ кочкамонь участкатнень пекстамодост мейле Мордовиянь Прявтось Владимир Волков ёвтызе мелензэ республикасонть кочкамотнень ютавтомаст коряс.

«Мордовиясо прядовсь Россиянь Конституцияс полавтомтанень совавтомань коряс кочкамонь прявт чись. Ёвтан седейшкавань сюкпря весенень, кить састь участкатнес ды топавтызь гражданской долгост, территориянь ды участковой кочкамонь комиссиянь члентнэнень, наблюдательтненень. Весенень, кить неть читнестэ тейсть минек эрицятненень весе условиятнень сэтьме кочкамонть туртов.

Уш мереви ёвтамс, республикань эрицятне примасть активной участия масторонть туртов те покш тевсэнть. Ней ловновить итогтне. Прявтось, кочкамось республикасонть ульнесь панжадокс, неявиксэкс ды видекс».