Россиянь Правительствань Председателесь Дмитрий Медведев тешкстась Рузаевкасо икельдиця касомань-кепетемань территориянь теемадо постановления. Теде сон пачтясь октябрянь 2-це чистэ вице-премьертнэнь марто промкссонть.
"Мезесь, паряк, седеяк прявт, те аволь Дальней Восток, а Мордовия, Удмуртия, Ярославской ды Саратовань областне. Те лезды маласо иетнестэ ниле регионтнэсэ теемс важодемань свалшкань малав 6 тёжат таркат,
киртямс неть таркатнень градообразующей предприятиятнень эйстэ аштеманть ды целанек вадрялгавтомс тосо эрямонь условиятнень", - тешкстызе Дмитрий Медведев.
"Рузаевкасо касомань-кепетемань икельдиця территориянь теемась карми конкурентной башка ёнксокс од инвестортнэнь тердеманть туртов, лезды теемс важодемань од таркат, максомс од эскелькс вишка ды средней предпринимательстванть виевгавтомантень, покшолгавтомс налогонь базанть", - мерсь Мордовиянь Прявтось Владимир Волков.
Арсеви теемс важодемань 1350 од таркат, тердемс инвестицият 2,5 млрд целковоень покшолмасо ды пачтямс весе уровнянь бюджетнэс 630 млн ламо целковойть.
Тешкстазь соглашениятнень лувсо "Рузаевка" ТОСЭР-нть юрсо арсеи ушодомс корпусонь ды чевте мебелень нолдамонть, чугункань китнень туртов пластмассто теевкстнэнь нолдамонь тееманть, велень хозяйствань ракшатнень коромонть туртов добавкатнень нолдамонть туртов предприятиянь панжоманть, пластикень трубатнень нолдамонть келейгавтоманть, алонь продуктатнень производстваст туртов предприятиянь строямонть ды зярыя лия од производстват.
Мордовия Республикань Прявтонть пресс-службась