Мордовиянь Прявтонь тевтнень нурька шкас топавтыцясь Владимир Волков сайсь Россиясо 12 тарка ды Равчирень федеральной округсонть 2 тарка губернатортнэнь рейтингень лидерэнь группасонть, конань анокстызе «Рейтинг» Информационной коммуникациянь куншкакурось те иень маень-июнень коряс.
Кода тешкстызь исследованиянь ютавтыцятне, течинь чис губернаторонь копуссонть прявт ёнксстнэ – региононть экономической ответственностенть, инвестициятнень тердемаст ды ломантнень вадря эрямост кисэ ответственностесь.
Республикань лидерэсь ашти вадря таркасо регионь тевтнень парсте ветямонть коряс трендэнть ванстоманзо вельде. Аналитиктне макссть паро питне Владимир Волковонь 2017 иентень ёвтазь аратвлувонтень. Арсеви, вете процентс кастомс региононь валовой продуктонть, промышленной ды велень хозяйствань производстванть – кото процентс. Прявт тевесь, конань МР-нь Госсобраниянь депутаттнэнень кучомасонть тешкстызе Владимир Волков ды конанть лангс истя жо явсть мель эксперттнэ, – эрицятнень доходост кавксть икельдясызь инфляциянть.
Васенце группасонть васенце колмо таркатнесэ Евгений Савченко (Белгородской область), Дмитрий Кобылкин (Ямало-Ненецкий АО), ды Сергей Собянин (федеральной значениянь Москов ошось).
Национальной рейтингень результаттнэ пурназь заочной анкетированиянть, экспертэнь вейсэндявксонь представительтнень заочной ды очной кевкстнематнень вельде.