Маень 16-це чистэ Казаньсэ Владимир Волков примась участия промкссонть, конань ютавтызь Россиянь Безопасностень Советэнь Секретаресь Николай Патрушев ды Равчирень федеральной округсо РФ-нь Президентэнть полномочной представителесь Михаил Бабич. Кортамось мольсь терроризманть ды экстремизманть профилактикадо, истя жо ванновсть аволь закононь коряс миграциянь а нолдамонь кевкстематне.
Кода тешкстызе Михаил Бабич, ПФО-нь регионтнэсэ анокстазь ды вадрясто важоди экстремизмань ды терроризмань а нолдамонь системась, ютавтови межнациональной ды межконфессиональной тевтнень ванномась, анокстазь сынст полавтоматнень редямонь ёнкст. Тень вельде 2014-2017 иетнестэ округсонть апак топавто сезевемань устройствань тевс нолдамонть вельде террористической вейкеяк акт. 2016 иестэ безопасностень органтнэ редизь ды эзизь максо топавтомс зыянов тевтнень Башкортостансо, Татарстансо, Кировань ды Нижегородской областнесэ.
РФ-нь Безопаснотень Советэнь Секретаресь яволявтсь религиозной экстремизмань мельтнень-арсематнень а нолдамга ды террористической тевдееманть киртямга, аволь закононь коряс миграциянть а нолдамга тевтнень лезэвчист кастомга межведомствань важодемань ёнкстнэнь одкстомтомань эрявиксчиденть. Теде башка, Николай Патрушев тешкстызе раськень диаспорань представительтненень, омбо масторонь эрицятненень ды сыненст важодема таркань максыцятненень Россиянь миграциянь законодательствань вешематнеде ды сынст коламонь кисэ ответственносттенть толковамонь важодемань эрявиксчинть.
Промксонтень пурнавозетне кортасть раськеютконь террористической организациянь члентнэнь редямондонть, конат округсонть эсест ёно аштицятнень ячейкатнень законноекс тееманть ды пурнамонть туртов нолдыть тевс миграциянь каналтнэнь.
Промкссонть кортасть федеральной министерствань ды ведомствань, виень структуратнень важодицятне, округонь региононь прявттнэ, Россиянь Безопасностень Советэнь члентнэ. Ёвтазельть мельть-арсемат неть стакачитнень витемаст коряс.
Мордовия Республикань Прявтонть пресс-службась