Владимир Волков примась участия производствань од площадкатнень презентациясо, конат совавтозь «Ардатовский светотехнический завод» ОАО-нь одкстомтомань программанть коряс инвестициянь проектэнтень. Производствань неть участкатне нолдавить светэнь LED источниктнень марто валдомтомань полупроводникень прибортнэнь тееманть туртов.
Инвестпроектэсь аравтозь промышленной сферасо импортонь полавтоманть туртов ды лезды одкстомтомс металлообрабатывающей производстванть, совавтомс од технологият давлениянть ало алюминиенть валомантень, ушодомс светэнь LED источниктнень марто полупроводникень ды оптоэлектронной прибортнэнь нолдамонть. Программанть топавтомась полавтсы истят производительтнень продукцияст, кода «Филипс», «Осрам», Юго-Восточной Азиянь фирматнень ды покшолгавтсы «АСТЗ» ОАО-нь продукциянть Россиянь рынкатнесэ.
Республикань Прявтонь тевтнень топавтыцясь Владимир Волков ваннынзе заводонь производствань пелькстнэнь, кортась важодицятнень марто. «АСТЗ» ОАО-нь прявтнэнь советэнь председателесь Владимир Кудашкин пачтясь Мордовиянь лидерэнтень, майстэ заводсонть арсеви нолдамс ковозонзо 24000 светодиодонь модульть. Светодиодонь светильникень неть пелькстнэнь предприятиясь зярс рамси омбо масторсто. 2017 иенть прядовомсто ушодови эсест технгологиятнень вельде светильниктнень нолдамось. Владимир Волков тешкстызе, неень шкань покш конкуренциянь экономикась путы од тевть промышленной комплексэнть икелев. Васенце тевесь сюлмавозь сень марто, неень шкань условиятнесэ прявт тевекс ашти промышленностесэ одкстомтомань ветямось ды продукциянь ламолгавтомась, васняяк, важодемань производительностенть кастомась.
Производствань процесстнэнь роботизациясь ды автоматизациясь карми полавтомо «ломанень» факторонть производствань пелькстнэсэ, саеме седе покш пельксэнть производствасонть. Одкстомтозь предприятиятнесэ киртявить важодицятне, конат топавтыть вишка квалификациянь тевтнень. Тень эйстэ лиси омбоце тевесь, конась сюлмавозь сень марто, неень шкань покш технологиянь производствантень эряви вадря образования марто ды покш квалификациянь персонал. Секскак пшти кевкстемакс ашти инженерэнь-технической кадратнень анокстамось, конат маштыть топавтомс куроксто полавтовиця экономикань вешематнень, свалшкане кастомс важодемань производительностенть. Неть важодицятнень анокстамось ашти высшей ды средне-специальной образованиянь башка таркасо.
«Бути икеле заводтнэ панжовсть тёжат важодиця марто, ней одкстомтозь предприятиясо 100-300 важодицятне нолдыть зняро жо продукция, зяро икеле неть тёжатне. Ней тёжат важодицятнень марто 1-2 производстватнень таркас эрявить кементь сядот важодицятнень марто, ансяк седе покш зарплата марто важодемань производительностенть кастоманть вельде», – мерсь Владимир Волков.