Мордовия Республикань Прявтонь тевтнень нурька шкас топавтыцясь Владимир Волков вастовкшнось «Биохимик» ПАО-нь генеральной прявтонть Денис Швецов марто. Кортавсть предприятиянь седе тов виевгавтомань кевкстематне.
Истя, кортамось мольсь прявт проектэнть топавтомадонзо – антибиотикень од видэнь арсемань-нолдамонь коряс научно-производственной куншкакуронть теемадонзо. Иезэнзэ фармацевтической субстанциянь 2 тоннас покшолмасо проектэнь центрась карми решамо импортонь полавтомань, омбо масторонь лекарствань производительтнень эйстэ импортозависимостень киртямонь тевтнень. «Биохимикень» партнёрокс те проектсэнть кармась Н.П.Огарев лемсэ МГУ-сь. Од производствантень арсеви путомс 500 млн целковойть.
Проектэнь топавтомась карми молеме зярыя этапсо. Кода пачтясь предприятиянь руководителесь, уш тедедень декабрясто арсеви нолдамс производствань пешксе цикланть коряс фармацевтической ниле активной субстанциятнень.
Истя жо кортавсть кевкстематне, конат сюлмавозь производствань покшолматнень кастомань, нолдавиця продукциянь номенклатурань келейгавтомань, важодемань од таркатнень тееманть марто. Кортасть од проектнэнь топавтомасо вейсэнь важодемадо.
Вастовомасонть ульнесть республикань Правительствань Председателесь – Промышленностень, наукань ды од технологиянь министрась Александр Седов.
Мордовия Республикань Прявтонть пресс-службась
