Мордовия Республикань Прявтонь тевтнень нурька шкас топавтыцясь Владимир Волков июнень 20-це чистэ Россиянь Президентэнь региононь приёмнойсэнть вастовкшнось эрицятнень марто. Республикань руководителентень лезкс мельга пшкадсть Саранскоень, Рузаевкань, Орданьбуень, Лямбирень ды Краснослободской райононь эрицятне. Пшкадематнень коряс куроксто важодеманть туртов вастовомантень тердезельть Мордовиянь Правительствань Председателень полавтыцясь Галина Лотванова, Саранск ошонь округонь прявтось Петр Тултаев, профилень министерстватнень прявттнэ.
Орданьбуе ёнксонь Тургенева посёлкань эрицятне энялдсть лездамс вейке ульцясо кинь строямосонть. Кевкстеманть ванкшномадонзо мейле Владимир Волков кармавтсь ютавтомс кинь строямонь весе тевтнень тедеде.
Эрямонь од секторонтень газонь ветямодо энялдоманть марто республикань руководителентень пшкадсь Атемаронь эрицятне. Неть тевтнес, кода тешкстазель, эрявить ламо ярмакт, секскак Владимир Волков примась решения ветямс газонть эскельксэнь-эскелькс, целевой программатнень лувсо. Газонь ветямонь тевтнень ушодсызь тедеде.
Кудотнень маласо таркатнень мазылгавтомасо-вадрялгавтомасо лезксэнть мельга пшкадсть Саранск ошонь ламо квартирань зярыя кудотнень эрицятне: эряви эйкакшонь площадкат, парковканть туртов таркат. Кевкстемась ули витезь – алтась Владимир Волков: 2016 иень кочкамонь кампаниянь итогтнень коряс республикантень явозь ярмакт кудотнень маласо таркатнень мазылгавтомантень-вадрялгавтомантень «Единая Россия» партиянь проектэнть лувсо. Весемезэ тедеде Саранскойсэ витневить-одкстомтовить малав 100 кудотнень маласо таркатне. Те пшкадеманть топавтоманзо мельга ванномс Владимир Волков кармавтызе Саранск ошонь округонь прявтонть Петр Тултаевень.
Эрицятнень весе пшкадемаст коряс кемекстазь решеният, конат витизь пшкадицятнень мелест.
Мордовия Республикань Прявтонть пресс-службась