Ёвтазь Мордовиясо Росприроднадзоронь Управлениянь од прявтось

Ёвтазь Мордовиясо Росприроднадзоронь Управлениянь од прявтось

Маень 18-це чистэ Мордовия Республикань Прявтонь тевтнень нурька шкас топавтыцясь Владимир Волков вастовкшнось МР-со природопользованиянь сферасонть надзоронь коряс Федеральной службань Управлениянь од прявтонть Андрей Аленцин марто, конань марто региононь прявтонть теизь содавиксэкс Росприроднадзоронь тевтнень ды госслужбань управлениянь прявтось Тимур Ахунянов ды ПФО-со Росприроднадзоронь Департаментэнь прявтось Олег Кручинин.

Андрей Аленцин чачсь Саранскойсэ, прядызе Огарев лемсэ МГУ-нть, 1990-91-це иетнестэ ульнесь Огарев лемсэ МГУ-нь ВЛКСМ-нь комитетэнь секретарекс ды 25 иеде ламо важодсь Госбезопасностень органтнэсэ. 2017 иень маень 18-це чистэ РФ-нь пертьпельксэнь ресурсонь ды экологиянь Министранть приказонзо коряс аравтозь Мордовия Республикасо природопользованиянь сферасонть надзоронь коряс Федеральной службань Управлениянь прявтокс.

Тимур Ахунянов, МР-со Росприроднадзоронь од прявтонть ёвтамсто тешкстызе, Андрей Аленцин — чачсь ды эри республикасонть, ули покш опытэзэ государственной структурасо важодемасонть, улить сатышка содамочинзэ республикасонть молиця тевтнеде, истя жо пертьпельксэнь ванстомань сферадонть. Истя жо тешкстазель, Мордовиясо Росприроднадзоронь Управлениянь важодемазо топавтови парсте, явови региононь руководстванть марто важодемань кеме сюлмотнень кирдемасонть ды пертьпельксэнь ванстоманть коряс лезэв мероприятиятнень ютавтомасонть.

Владимир Волков мерсь, Андрей Аленцин марто сонзэ вейсэндить университетсэ важодемань вейсэнь опытэсь ды седе мейле важодемась, сон ёвтызе МР-со Росприроднадзоронь од руководителенть кода кеме обуця ломаненть, сон ламо иеть важоди республиканть лезэс. Истя жо Мордовиянь Прявтонь тевтнень нурька шкас топавтыцясь тешкстызе, республикасонть экологиянь кевкстематне аштить башка ванновт ало: «2017 иенть Россиянь Президентэсь Владимир Путин ёвтызе Экологиянь иекс. Мордовиясо экологиянь виевгавтомань ды экологиянь безопасностень топавтомань кевкстематненень свалшкане явовсь покш мель, пертьпельксэнь ванстомань законодательстванть топавтомась ашти васень таркасо кода промышленной, истя жо велень хозяйствань перерабатывающей предприятиятнень туртов».

Вастовомантень пурнавозетне ёвтызь анокчист Мордовиянь эрицятнень экологиянь безопасностень топавтомасо ды региононь пертьпельксэнь сюпавчитнень ванстомасо вейсэнь важодемасонть.

Мордовия Республикань Прявтонть пресс-службась