Артём Здунов тешкстызе, Мордовиясь федеральной центранть лезксэнзэ вельде покш мель яви фармацевтикантень, седе пек те эряви неень шкане. «Улить зярыя лекарстват, конатнень эряви кирдемс таштавксо, штобу топавтомс минек суверенитетэнть, тесэ минь важодтяно Россиянь Минздравонь руководстванть марто», – мерсь сон.
«Меельце 8 ковтнень перть масторонь Правительстванть, Минздравонть ды Минпромторгонть марто кемекстазь тевть фармацевтикань промышленностень виевгавтоманть коряс, – тешкстызе Сергей Глаголев. – Секскак течи предприятиятнень теемась, конат а кармить аштеме внешней тердематнень эйстэ ды анокт одкстомтомс ассортиментэнть отечественной производствань препараттнэнь вельде, ашти прявт енкстнэстэ вейкекс».
Вастовомасонть кортасть региононтень лекарстватнень явомадост, истя жо пациенттнэнень, кинень эряви питней препараттнэсэ свалшкань лецямо. «Аволь умок ветинь пси линия, конантень састь ламо кевкстемат тень коряс», – тешкстызе республикань руководителесь.
Сергей Глаголев тешкстызе региононь важодеманть пациенттнэнень глюкозань свалшкань ванномань топавтоманть ды целанек льготань лекарстватнень явомань системанть ладямонть коряс. Кортасть те енкссонть сехте стака кевкстематнень коряс вейсэнь важодемадонть.
Мордовия Республикань Прявтонь пресс-службась