Депутаттнэ ванность чинь повесткань 12 кевкстемат.
Совавтовить полавтомат «О республиканском бюджете Республики Мордовия на 2023 год и на плановый период 2024 и 2025 годов» Мордовия Республикань Закононтень. 2023 иентень доходтнэнь покшолмась кассь 607,5 млн целковойтнес. Ярмактнень арсеви явомс китнень витнемс, общей ды дошкольной образованиянь муниципальной учреждениятнень важодицятненень зарплатань пандомс, транспортонь ды жилищно-коммунальной комплексэнь отраслятненень лездамс.
2024 иестэ покш финансирования явови социальной сферантень: социальной политикантень, образованиянтень, здравоохранениянтень. Неть тевтнес явозь 32,4 млрд. целковойть. Истя жо явовить бюджетэнь ярмакт Ромодановань енкссо Белозерье велень школань од корпусонть, Саранскойсэ 600 таркас школанть ды Саранскоень специальной (коррекционной) общеобразовательной школанть-интернатонть строямс; эйкакштнень оймсемаст ды шумбрачист витемаст коряс мероприятиятнес.
Ярмакт арсеви явомс льготань категориянь эрицятненень лекарствань препараттнэнь ды медицинань теевкстнэнь максомантень, педиця орматнень каршо бороцямонтень, нацпроекттнэнь топавтомантень. Истя жо ули топавтозь Ицялонь сыре ломантнень ды инвалидтнэнь туртов кудонть-интернатонть строямось, Ширингуши велень сыре ломантнень ды инвалидтнэнь туртов Зубова-Полянань специальной филиалонть витнемась, сиведемань договоронть коряс уроз-эйкакштненень эрямо таркатнень максомась, истя жо эрямо таркань сертификатонть коряс эрямо тарканть рамамс ярмаконь ве шкань пандомась.
Примазь «О пчеловодстве в Республике Мордовия» Законось, сонзэ совавтызе республикань прокурорось. Законось аравтозь нешкень кирдемань отраслянь виевгавтомантень, мекштнень ванстомантень, нешкень кирдицятнень праваст ды мелест-ванновтост ванстомантень.
Ламо эйкакшонь семиятненень ды колмо иеде седе вишкине эйкакш марто семиятненень лездамга Мордовиянь Госсобраниянь Социальной политикань коряс комитетэсь инфляциянть мельсэ кирдезь евтась мель покшолгавтомс эрьва ковонь пандоманть 6 иес эйкакштненень лекарствань препараттнэнь пандомс; ве шкасто колмо ды седе ламо чачозь эйкакштнень кастыця семиятненень эрьва ковонь пособиянть пандомс (зярс эрьва эйкакшонтень а топодить 18 иеть); врачтнень заключенияст коряс ловсонь продуктатнень рамамс эрьва ковонь пандоманть.
Эрявикс полавтомат совавтовить «О мерах социальной поддержки отдельных категорий населения, проживающего в Республике Мордовия» Мордовия Республикань Закононтень. Законопроектэсь примазь васенце ловномасонть.
Сессиясонть истя жо аравтозь мировой судьят: Валерия Лончина (Орданьбуень енксонь судебной участкань мировой судьясь) ды Мария Тарасова (Саранскоень Ленинской райононь 3№ судебной участкань мировой судьясь).