Поздравление Министра по национальной политике Республики Мордовия с Днем мордовских языков

Арневикс эрзят ды мокшот! Вечкевикс ялгат!

Течинь эрьгелемачистэнть арсян тенк шумбрачи, уцяска ды валдо кемемат вандынь чинтень! Минь тешкстатано покштояк покш чи – Эрзянь ды Мокшонь келень чи. КЕЛЬ, РАСЬКЕ, ОЙМЕ, ЭРЯМО, СЫЦЯ ШКА валтнэ кеместэ сюлмавозь вейке вейке марто ды мейсэяк а явовить.

Кенярдовты: неень шкасто экономикань ды политикань кевстематнень марто ве лувс аравтовить ды кепедевить тиринь келень, раськень оймень, культурань, коень-кирдань ванстомань кевкстематне. Ды те, нама, а стяко.

Келесь – сехте прявтокс, сехте виев кедьёнкс раськень оймень сюпавчисэ ды сонзэ ванстомасо. Келесь – раськень оймезэ. Келенть вельде невтевить раськенть обуцязо, коензэ-кирданзо, бажамонзо. Лементь марто чачомсто ломанентень казеви тиринь келеськак. Сон касты минек ойменек, ёжомарямонок. Келень содамось панжи ломаненть икеле масторвановтонть. Тиринь келень, культурань, коень-кирдань ванстомась – россиянь вейсэнь раськень прянь ёжомарямонь касомасо питнейдеяк питней эскелькс.

Эрзянь келень чись тешкстави васенце эрзянь профессоронть А.П.Рябовонь чачома чистэнзэ. Весе сонзэ нурькине эрямозо ульнесь кеместэ сюлмавозь тиринь келенть марто.

Течинь промкссо пурнавсть ломанть, конатне содасызь, вечксызь, ванстыть ды ризныть тиринь келенть коряс. Тешкстамга, зярс улить истят ризныця седей ломанть Мордовиясо ды Мордовиянь томбале карми эрямо минек раськесь ды ванстовомо келесь. Арсян, истят эрьгелемачитне ды вастовоматне максыть покш лезэ ломантень ютксо чарькодемачинь касомасо.

Ёвтан тенк седейшкавань сюкпря весе паро ды вельть эрявикс тевенк кисэ! Парсте ды смустевстэ молезэ тевенк кудоюртсо, важодема таркасо ды тиринь раськенть ланс важодема тевсэ.



Мелень ванозь,



Мордовия Республикань

национальной политикань коряс

Министрась                                                          А.М.Чушкин



2014-це иень чадыковонь 16-це чись