Поздравление Министра по национальной политике Республики Мордовия с Днем мордовских языков

Шумбратада вечкевикс ялгат, кельгома оят!

Кельгома ялгат, коллегат!

2014 кизонь 16 апрельста

Тячи Россиять ламоц уженянзон эса отмечави мордовскяй кялень Шись. Тейнек тя цебярь возможность азомс седи ваксстонь кельгомань валхт и няфтемс уваженияньконь фкя инь кунардонь пингонь финно-угорскяй кяльхненди—мордовскяй (мокшанскяй и эрзянскяй) кяльхненди. Отмечамс ломаттнень путксснон, конат аф ащихть озадонь седихть, пяк таколдыхть родной кяльть, культурать, эсь лацонь койхнень-обуцятнень судьбаснон инкса.

Пара азомс, што мордовскяй народть эсь лацонь культуранц спортивнай, социально-экономическяй сатфксонзон и Мордовиять инголе моли планонзон колга государственнай властень органонь и общественнай институттнень марстонь тевонь вятемаснон вельде кармасть корхтама ичкозе минь странаньконь эзда.

Етаф кизотнень ламось полафтсь. Да и сонць республикась арась лиякс. Полафтсь кяльти, культурати и Мордовия Республикань нароттнень национальнай койснонды-обуцяснонды малаткшнемась. Тиевсь лама знаковай событияда, конат полафтозь стереотипнень и фкя ширдень ваномать сонцень республикать лангс.

Цебярь шири полафтсь мордовскяй народть кяленцты и культуранцты малаткшнемась. Тяниень пингонь глобализационнай и миграционнай процесснень пингста языково-культурнай средать ванфтомац и виияфтомац арси государственнай национальнай политикаса фкя инь васень задачакс. Аньцек кялень и культурнай козяшить—этность разнай ширенц ванфтоманц вельде кемоксневи общероссийскяй гражданскяй самосознаниясь.

Специалисттнень даннайснон коряс, тяниень пингонь нароттне корхтайхть вете тежяньда лама кяльса. Корхтамок кялень симфониять важнайшинц колга, ученайхне примеронди сявондьсазь эсь лангозонза шарфты фкя фактть: бикьянь кяльса корхтай аньцек фкя сире ава Африканскяй велетнень эзда фкаса. Теенза аньцек тя кяльсь—бикьянь кяльсь—родной.

Тянь мархта мон нинге весть еран азомс, што эрь ломанти роднойкс эрси фкя и сяка кяльсь. Тя кяльсь, конань сон получазе тядянь лофцть мархта. Кяльсь, конань мархта сон корхни родной и мала ломанензон мархта, и ерай кадомс эсь идензонды и уноконзонды. Аш оцю и емла кяльхть. Тянь колга сембе пинкнень корхнесть разнай кяльса лама великай ломань.

Республикаса лама тиендеви, и конешна, сядонга лама эряви тиемс кяльть, культурать и мордовскяй народть национальнай эсь лацоньшинц ванфтоманкса и виияфтоманкса. А инголи молемась и созидательнайста тевонь вятемась возможнайкс арси аньцек государственнай властень оргаттнень и аф озадонь седихть ащи общественностть марстонь вийсост.

Поздравляндамок праздник мархта, арьсян теенть и тинь мала ломанентенди шумбраши, кяльть ванфтоманкса и виияфтоманкса сиземань аф содазь тинь работасонт эсь народонтень инкса сатфкст. Катк сембе мяленте-арьсеманте етафтовихть эряфс. Катк эрь кудса кармай улема фкя-фкянь шарьхкодема, кельгома и благополучия, эста кармай лямбе и цебярь эряф минь марстонь кудоньконь—Великай Россиять эрь эряенцты.

Паваз и сембе цебярть теенть, творческяй сатфкст и сатфкст сембоса.

Мордовия Республикань

национальнай политикань министрсь А.М.Чушкин