Васьфтемать ушетксста, Республикань Оцюнясь китькстазе, што тяддень тялось кандсь аф кржа сюрприз. «Осадкань прамать коряс ПФО-са минь васенцетяма», - китькстазе Артём Здунов. – Россетень сембе подразделениятнень лангса уль пяк оцю нагрузка, и мон арьсян, тинь сонь кирдесть. Оцю сюкпря тяфтама покодеманкса».
Потребителень электроснабжениянь надежностсь – васенце задачась. «Россети Волга»-сь инициировандазе территориальнай сетевой организациятнень мархта соглашениять примаманц. Документсь тиф нештатнай ситуациациянь ётафтомаснон координациянь тефнень лангс. «Тяниень пингть минь ётафнетяма тонафнемат региоттнень эзга, аделаськ Чувашияса, Саратовскяй областьса, сяда тов кармай Мордовиясь. Арьсетяма, кода карматама вятема прянеконь стака ситуациятнень эса, штоба сяда курокста сяськомс перьхпялень катаклизматнень», - мярьгсь Александр Гаврилов.
Тяфта же ПАО «Россети Волга»-ть руководителец китькстазе, што 2023 кизоня Мордовиянь инвестиционнай программать компаниянц финансированияс сувась 496 млн цалковай. 2024 кизоня путф планць инвестиционнай финансированиянь касфтомась электросетевой распределительнай комплексти 100 млн цалковайда сяда лама – капитальнай вложениянь финансированиясь кармай 603 млн цалковай.
Васенцекссь республикань покодемань направлениятнень ёткса ащи электрическяй сеттненди технологическяй сувамась. Ётай кизоть «Мордовэнерго» «Россети Волгать» филлиалоц примась и тись 992 технологическяй шаштомас заявка. Синь ётксост – Саранскяйса и Темниковскяй районца жилой объектонь застройкатне, Заречнай и Краснослободскяй куд-интернаттне сире ломаненди и инвалидонди, «ЭМ-Кат» производственнай предприятиясь, Вышинскяй шуфтообрабатывающай комбинатсь, кинь хозяйствань объекттне. Энергетикне козякафнесазь инфроструктурать Мордовияса национальнай проектонь тевс нолдамати.
Тяфта, 2024 кизоня кармайхть ётафтовома покодемат марстоптомс электрическяй сеттненди сяда оцю муниципальнай отходонь переработкань комплексть, Саранскяень и Белозерьянь школатнень, федеральнай трасса «Урал» капитальнай ремонтонь объекттнень. Кепсеви кизефкс лия значимай технологическяй объкттнень пуроптомаснон колга.
Мордовия Республикань Оцюнять пресс-службац.