Корхтафоль инфраструктурнай и социальнай объекттнень антитеррористическяй аралафшиснон колга. Башка мяль шарфтфоль школатнень территорияснон безопасностьснон обеспечендаманцты. Корхтафоль образовательнай учреждениятнень эса оповещениянь систематнень ладямаснон квалма.
«Шабатнень тонафнеманкса и воспитандаманкса аф пелькс вастсь тейнек — фкя инь васенце задачась», - мярьгсь Артём Здунов.
Заседаниять пингста корхтамась стане жа мольфтевсь деструктивнай проявлениятнень эзда ломаттнень аердомаснон колга. Тя тевса анокт лездомс СВО-нь ветераттне - «Защитники Отечества» фондть руководителенц Алексей Герасименконь валонзон коряс боевой действиянь нильгемоньда лама ветеранць азсть ни мяль ётафнемс школьникнень мархта патриотическяй работа — 12 муниципальнай райоттнень эса СВО-нь участникне - «Разговоры о важном» урокнень эса фалувонь инжихть.
Заседаниять ушедомда инголе Артём Здунов макссь казне СВО-нь участникти, Рузаевскяй райононь эряйти, кона саф отпускс. Российскяй Федерациянь Президентть Указонц мархта отваганкса, мужестванкса, конат няфтьфтольхть Отечествать и Российскяй Федерациять интересонзон араламста боевой действиятнень пингста, земляконьке казьф Жуковонь медаленц мархта. Мордовиянь Оцюнясь китькстазе, што минь воиноньке передовойса эрь шиня пяшкотькшнихть стакадонга стака задачат Родинаньконь араламанкса, сяс важна тылсовок тиендемс семботь эряйхнень безопасностьснон обеспечендаманкса.
Мордовия Республикань Оцюнять пресс-службац