Васедемаса ульсть вице-премьерсь Наталья Таркаева, РМ-нь финансонь министрсь Сергей Тюркин, Статс-секретарьсь – Россиянь Банкть Председателенц полафтыец Алексей Гузнов, Россиянь Банкть ГУ-нь Волго-Вятскяй начальниксь Лариса Павлова, Россиянь Банкть кадрань политикань Демартаментть директороц Татьяна Тихонова.
Алексей Иванов покоди Россиянь Банкть эса 1997 кизоста сявомок, ушедозе кинц питни кагод мархта покодемань отделонь начальникста, меле арась Российскяй Федерациянь Центральнай Банкть Волго-Вятскяй главнай управлениять Ульяновскяй область коряс Отделениянь управляющаень полафтыкс. Экономическяй наукань кандидат.
Васедемаса корхтасть марса покодемань кизефкснень колга. Мордовиянь Оцюнясь Артём Здунов китькстазе Мордовия Республикать коряс Национальнай банконь - Отделениянь представительхнень покодемань пуромксса и исполнительнай властень, организациянь и ведомствань региональнай комиссияса участияснон эрявиксшиснон. Синь ётксост – РМ-нь экономикань кемоста вастста ащемань кирдемать коряс Антикризиснай штабсь, РМ-нь финансовай содамашинь касфтомань Советсь, преступлениянь връгятемань информационно-коммуникационнай технология вельде покодемань пуромкссь.
Мордовия Республикань Оцюнять пресс-службац