Россиянь строительнай отраслять работанц колга азондсь Россиянь Правительствать Председателенц заместителец Марат Хуснулин.
Азфоль, што мекольдень кизотнень строительнай отраслясь няфни касома. Главнай задачась — ломаттнень эряфснон качестванц касфнемац.
Азсаськ, што Мордовияса тядде строямань объёмтне кассть 6 процентта ламода и арай 40 миллиардта лама цалковай. Кизоть аделавомс арьсекшневи сувафтомс тевс аф 415 тёжяньда кржа квадратнай метра эряма васта. Регионца сембода ёмла ставкась ипотекать коряс — 6,54 процент. 10 ковста максф пцтай 6,8 тёжянь ипотечнай кредит.
Касфневи уроз иттненди макссеви квартиратнень лувкссна.
Сяда тов ётафневи эряфс аварийнай эряма вастста ломаттнень ётафтомаснон коряс программась. Кизоть аделавомс 1800 лама ломанць ётайхть од квартирас.
Эряма вастонь строямать ширенц кирдеманкса главнай программась - «Стимул» федеральнай программась. Тядде коряванза строяф 11 объект, 9-сь сувафтфт ни тевс. Софинансированиянь марстонь объёмсь арась 840 миллион цалковай.
Кизоть аделавомс республикаса ули строяф сисем оцю объект — тя Ковылкина ошса вельхкс ала катоксь, Саранскяйса 1450 вастонди школась, ВМХ-велоспортть коряс центрась, Рузаевкаса идень поликлиникась, сиретненди и эряфкшуфнень Краснослободскяй кудсь-интернатсь, Темниковскяй райононь Сире ошса культурань кудсь. Регионць ванфнесы омбоце вастть странаса догазификациять коряс.
Мордовия Республикань Оцюнять пресс-службац