Собранияса пуроптфоль «Знание» обществать отделениянц наблюдательнай советоц и кочкафт сон руководителенза — вятикс кочкаф Мордовиянь Оцюнясь Артём Здунов, теенза заместителькс арась Мордовскяй госуниверситетонь ректорсь Дмитрий Глушко.
Мордовиянь Оцюнясь китькстазе просветительскяй обществатьработанц важнай шинц, главнай аудиториякс теенза должетт арамс од ломаттне. «Касы поколениять воспитандаманц мархта сотф кизефксне, историческя видешить ванфтомац пяк важна тяниень пингть», - мярьгсь Артём Здунов.
Лятфтасаськ, обществать региональнай отделенияц панчфоль 2021 кизоня, тя пингста республикаса ётафтф лама просветительскяй проект, форум, марафон. Ётай кизонь ноябрьста педагогическяй университетть видеса панчф «Знание» обществать телестудияц. Тяддень сентябрь ковста сявомок региональнай отделениять филиалоц ушедсь работама Мордовскяй госуниверситетса. Сентябрьста регионца лац ётафтовсь «Поделись своими знаниями» Всероссийскяй акциясь: Саранскяйса и райоттнень эса ётафтфоль 100-да лама лекция — кулхцондыкс арась 1,5 тёжяньда лама ломань.
Тяниень пингть регионць аноклай «Россия» международнай выставкати ВДНХ-са, конань образовательнай программанцты генеральнай партнёркс арай «Знание» российскяй обществась. Несколька шида меле од ломанень делегацияньке примай участия «Знание.Первые» федеральнай просветительскяй марафонца, кона ушедови 4 ноябрьста, выставкать панжема шиня.
Артём Здунов спасибась «Знание» обществати патриотическяй темать и специальнай военнай операциять лангс мялень шарфнеманкса.
«Знание» российскяй обществать генеральнай директоронц заместителец Георгий Будный отмечазе региональнай отделениять цебярь работанц.
«Знание» российскяй обществать Мордовскяй региональнай отделениянц председателец, М.Е.Евсевьевонь лемса МГПУ-нь ректорсь Марина Антонова азондсь работань основной направлениятнень колга, спасибась Мордовиянь Оцюняти федеральнай и региональнай проекттнень эса личнай участиянкса.
Стане жа марстонь собранияса кочкафтольхть делегатт «Знание» Российскяй обществать IV съездозонза — нят региональнай отделениять председателец Марина Антонова и региональнай отделениянь членць Наталья Долматова.
Мордовия Республикань Оцюнять пресс-службац