Лятфтасаськ, што юбилейнай Всемирнай Русскяй Народнай Соборсь ётафтови 27-28 ноябрьста Москуса. Мероприятиять главнай темац - «Настоящее и будущее русского мира»: арьсекшневи корхтафтомс русскяй народть миссиянц, пингть вызовонзон лангс русскяй народть отвечаманц, а стане жа тяниень пингонь русскяй семьять эряфонц.
27 ноябрьста Христость Спасительть храмсонза и лия площадкатнень лангса ётафтовихть тематическяй секцият, а 28 ноябрьста Государственнай Кремлёвскяй дворецса кармай пленарнай заседаниясь. Всемирнай Русскяй Народнай Соборса Мордовиянь делегацияти вятикс ули республикань Оцюнясь Артём Здунов. Сон стане жа кармай демографическяй секциянь председателькс.
Всемирнай Русскяй Народнай Соборть оцюнянц заместителец Константин Малофеев отмечазе, што Мордовиясь — странаса васенце регионць, коса законодательнай уровеньца тевс сувафтф аватнень абортти кошарямаснон кардамац. Тяниень пингть республикать кепотьксонц мяльс сявондьсазь странань 10 субъектса.
«Всемирнай Русскяй Народнай Соборсь — тя важнай события Россиять общественно-политическяй и духовнай эряфсонза», - китькстазе республиканьконь руководителец.
Артём Здунов азозень демографическяй секциять основной направлениянзон. Васендакиге — тя российскяй обществаса семьять вастоц, традиционнай духовно-нравственнай питнишитнень кемокснемасна, демографическяй семейнай политикать концепциянза.
Центральнай тематнень ёткса фкякс арай семьятнень, тядятнень, идькспингть араламасна. Мордовиясь азондсы эсь опытонц.
Башка мяль ули шарфтф «Здравствуй, мама!» проектть келепнеманцты. Сон сувась «Сильные идеи для нового времени» форумонь 10 инь цебярь инициативатнень лувксс. Ширенц кирдезь Россиянь Президентсь и Москувонь и сембе Русень Святейшай Патриархть Кириллонь мархта.
Мордовия Республикань Оцюнять пресс-службац