Вице-премьерсь Виктория Абрамченко тяшкстазе, што «РЭО» ППК-сь видеста сась ТКО-ть мархта тевс нолдамать коряс ладямати, пцтай одукс тиф од отраслясь. «Реформать сатфксонзонды и национальнай цельхнень ётафтомаснонды, конань путозень Президентсь, васенцекссь, эряви тиемс лядыкснонь тевс нолдамать и машфтомать коряс тяниень пингонь инфраструктура», - азозе сон.
Кода китькстазе РФ-нь природнай ресурсонь и экологиянь министрсь Александр Козлов, ТКО-нь марстонь тевс нолдамась – эрявикссь минь странасонк марнек экологияти. Вете кизоста отрасляса примаф пцтай 60 закон и нормативно-правовой акт, конат макссть ушеткс тя реформати.
«Российский экологический оператор» ППК-ть работанц вете кизонь итокнень колга пачфтсь компаниять генеральнай директороц Денис Буцаев.
Мордовиянь Оцюнясь явсь регионтть опытонц мархта и инфраструктурнай проекттнень эряфс нолдамаснон колга республикать территорияса Российскяй экологическяй операторть лезксонц вельде. «Минь максоме вал кизоть пенцты строямс оцюдонга-оцю тяниень пингонь кархчень явоштомать коряс комплекс», - тяшкстазе Артём Здунов. Сонь мощностец саты 180 тёжянь тонна кизоти. Нинге фкя задачась – строямс од полигон, сяс мес улихнень мощностьсна аделсеви.
Лятфтасаськ, Мордовиясь арась васенцекссь региоттнень эзда, конат ушедсть сувафнема лядыкснень мархта тевс нолдамань од система. Республикаса цебярь региональнай операторсь, кода китькстазе Артём Здунов. Педа-пес одкстоптф контейнернай парксь, Мордовиянь школаса ётафневихть экологическяй просвещениянь урокт, сувафневи лядыксонь башка кочкамать коряс система.
Республикань Оцюнясь сюконясь Виктория Абрамченконди, Россиянь Минприродань и Российскяй экологическяй операторонь оцюнятнень ТКО-ть тевс нолдаманц коряс регионти лезксонь максоманкса и азсь мяль сяда тов кирдемс кеме соткст.
Мордовиянь Оцюнять мархта мероприятияса примась участия вице-премьерсь Инсаф Хайруллин.
Мордовия Республикань Оцюнять пресс-службац